وزیراعلیٰ پنجاب مریم نوازشریف کے ویژن کے باعث پنجاب جدید ٹیکنالوجی کے استعمال میں تمام صوبوں پر بازی لے گیا۔
رپورٹ کے مطابق بقا کے خطرے سے دوچار جنگلی حیات، جانوروں اور پرندوں کے تحفظ کے لیے صوبہ پنجاب جدید ٹیکنالوجی کے نئے دور میں داخل ہوگیا، جس کے بعد کالے ہرن اور تلور کا جدید تھرمل ٹیکنالوجی کی مدد سے پتہ لگانے کا آغاز کردیا گیا۔
یہ بھی پڑھیں پنجاب حکومت اور تعلیم کے عالمی شہرت یافتہ ماہر سر مائیکل باربر کے درمیان مل کر کام کرنے پر اتفاق
رپورٹ کے مطابق نایاب کالے ہرن اور تلور دونوں ہی اپنی بقا کے خطرات سے دوچار ہیں۔
وزیراعلیٰ پنجاب نے سینیئر وزیر پنجاب مریم اورنگزیب کی تجویز پر تھرمل ڈرون ٹیکنالوجی کے استعمال کی ہدایت کی تھی۔
جدید ماہرین کی مدد سے صوبہ پنجاب کے محکمہ جنگلی حیات نے تھرمل ڈرون ٹیکنالوجی کا استعمال شروع کردیا، اب تھرمل ٹیکنالوجی جانوروں کے جسم سے خارج ہونے والی حرارت سے ان کا پتہ لگاتی ہے۔
پنجاب وائلڈ لائف اینڈ پارکس ڈیپارٹمنٹ نے ابتدائی امیجز حاصل کرلیے، اور آزمائشی آرٹیفیشل انٹیلی جنس ٹیکنالوجی کی مدد سے کالے ہرن کی تصاویر حاصل کی گئیں۔
یہ بھی پڑھیں پنجاب کی جیلوں میں اے آئی ٹیکنالوجی سے لیس کیمروں کی تنصیب کا فیصلہ
مریم اورنگزیب نے کہاکہ تھرمل ٹیکنالوجی اور اے آئی کے استعمال سے بقا کے خطرے سے دوچار جنگلی حیات کا تحفظ ممکن ہوسکے گا، پہلی بار تمام جنگی حیات کا سروے ہورہا ہے تاکہ ان کی تعداد، رہائش کے مقامات اور تحفظ کے لیے ضروری ڈیٹا حاصل ہو۔
