پاکستان تحریک انصاف کے ممبر قومی اسمبلی عاطف خان نے وزیراعلیٰ خیبرپختونخوا علی امین گنڈاپور کے خلاف گروپ بندی کی تردید کردی۔
اپنے ایک ویڈیو پیغام میں انہوں نے کہاکہ علی امین گنڈاپور کو بانی پی ٹی آئی عمران خان نے وزیر اعلیٰ بنایا، جب تک وہ چاہیں گے یہی وزیراعلیٰ رہیں گے۔
علی امین گنڈا پور کو عمران خان نے وزیراعلیٰ بنایا، جب تک عمران خان چاہئیں گے وہ وزیراعلیٰ رہیں گے۔۔ عاطف خان pic.twitter.com/1rZQNrgpCe
— Faisal Ehsan (@iamfaisal_ehsan) August 19, 2024
انہوں نے کہاکہ ہم کوئی گروپ بندی نہیں کررہے، اس خبر کی تردید کرتا ہوں، ہم نے علی امین گنڈاپور کے خلاف کوئی قرار داد نہیں لانی۔
واضح رہے کہ خیبرپختونخوا کے وزیر شکیل خان کو عہدے سے ہٹانے پر عاطف خان اور جنید اکبر نے اختلاف کیا تھا، جس کے بعد خیبرپختونخوا حکومت نے عمران خان کو شکایت کی تھی۔
مشیر اطلاعات خیبرپختونخوا بیرسٹر سیف نے اپنی گفتگو میں کہا تھا کہ عمران خان نے عاطف خان اور جنید اکبر کی جانب سے گروپ بندی پر برہمی کا اظہار کرتے ہوئے آئندہ ہفتے انہیں اڈیالہ جیل طلب کیا ہے۔
