پاکستان میں سپر بلیو مون کے دلفریب نظارے

پاکستان اور بھارت میں سپر بلیو مون کا دلفریب نظارہ ختم ہو گیا، پاکستان میں سپر بلیو مون کا نظارہ رات 11 بج کر 26 منٹ پر دیکھا گیا، اگلے 3 سپر مون کے نظارے 18 ستمبر، 17 اکتوبر اور 15 نومبر کو نظر آئیں گے جبکہ امریکی خلائی تحقیقاتی ادارے ناسا کے مطابق اب آئندہ سپر بلیو مون کا نظارہ 2027 کو نظر آئے گا۔

پاکستان کے اسپیس اینڈ اپر ایٹموسفیئر ریسرچ کمیشن (سپارکو) کے مطابق یہ رواں سال کا پہلا سپر مون بھی ہے، سپر بلیو مون بہت ہی نایاب نظارہ ہوتا ہے یہ نظارہ اس وقت رونما ہوتا ہے جب سپر مون اور بلیومون کی قمری گردش کسی ایک تاریخ میں ہی رونما ہوں۔

سپرمون اپنے مدارمیں زمین سے تقریباً 226000 میل قریب آ جاتا ہے اور اس سےچاندعام چاند سے14فیصد بڑا،30فیصدزیادہ روشن دکھائی دیتا ہے۔

امریکی خلائی تحقیقاتی ادارے کے مطابق سپر چاند 2 طرح کے ہوتے ہیں، ماہانہ اور موسمی، ماہانہ چاند انتہائی نایاب ہوتا ہے اور یہ اس وقت سامنے آتا ہے جب ایک ہی مہینے میں 2 سپر مون یا مکمل چاند ہوتے ہیں۔

اس نظارے کو نایاب اس لیے کہتے ہیں، کیونکہ چاند کا چکر صرف 29.5 دن کا ہوتا ہے اور زمین پر ایک مہینہ 30-31 دن رہتا ہے۔ ناسا نے تصدیق کی ہے کہ ایک مہینے میں 2 سپر مون دیکھے جاسکتے ہیں جیسا کہ ہر 2 سے 3 سال میں ہوتا ہے۔ایک ہی مہینے میں مکمل چاند کا دوبارہ آنا ایک نایاب واقعہ ہے، ایک مہینے میں دوسرے مکمل چاند کو  ’بلیو مون‘ کہا جاتا ہے۔

دریں اثنا دوسری قسم سیزنل بلیو مون ہے جس میں ایک کیلنڈر سیزن میں عام 3 کے بجائے 4 مکمل چاند ہوتے ہیں۔ 4 مکمل چاندوں میں سے تیسرے چاند کو بلیو مون کہا جاتا ہے۔پیر کی رات کا بلیو مون اس نظارے سے تعلق رکھتا ہے کیونکہ اگلا پورا چاند موسم کا چوتھا چاند ہوگا۔

ناسا کے مطابق ہر بلیو مون کو سپر مون نہیں ہونا چاہیے کیونکہ تمام مکمل چاندوں میں سے تقریبا 25 فیصد سپر مون ہیں، لیکن صرف 3 فیصد مکمل چاند نیلے چاند ہیں۔

ناسا سپر مون اس کو کہتا ہے جب ایک مکمل چاند اپنے مدار یا اس کے پیریجی میں زمین کے 90 فیصد قریب نمودار ہوتا ہے۔ اپنے قریب ترین مقام پر پورا چاند سال کے سب سے کمزور چاند سے 14 فیصد بڑا اور 30 فیصد زیادہ روشن دکھائی دے سکتا ہے، جو اس وقت ہوتا ہے جب وہ اپنے مدار میں زمین سے سب سے زیادہ دور ہوتا ہے۔ناسا کا کہنا ہے کہ اگلا سپر بلیو مون مئی 2027 میں نظر آنے کی توقع ہے۔

ناسا کے مطابق آسٹریلیا کے علاوہ سپر بلیو مون بھی 19 اگست کو دوپہر 2 بج کر 26 منٹ پر شمالی امریکا کی زینت بنے گا اور تقریبا 3 دن تک مکمل نظر آئے گا۔ سپر بلیو مون پاکستان کے ہمسایہ ملک بھارت میں بھی آج رات سے 20 اگست کی علی الصبح تک دیکھا جا سکتا ہے۔

یورپی اور افریقی ممالک میں سپر بلیو مون کے نظارے 18 اگست کی شام سے 20 اگست کی علی الصبح تک نظر آئیں گے۔