کراچی کے جناح انٹرنیشنل ایئرپورٹ پر تکنیکی اور آپریشنل مسائل کے باعث متعدد اندرون ملک پروازیں منسوخ کردی گئیں۔
میڈیا رپورٹس کے مطابق، کراچی ایئرپورٹ پر تکنیکی خرابی اور آپریشنل مسائل کے باعث سیرین ایئر کی اسلام آباد اور لاہور کے لیے فلائٹس منسوخ کردی گئیں۔ اس کے علاوہ ایئر سیال کی لاہور کے لیے 2 فلائٹس بھی منسوخ کی گئیں۔
یہ بھی پڑھیں: کراچی ایئرپورٹ: منشیات کا سراغ لگانے والے تربیت یافتہ کتے کو گولی مار کر ہلاک کردیا گیا
ایئرپورٹ حکام نے فلائٹس کی منسوخی وجہ نامعلوم تکنیکی خرابی اور آپریشنل مسائل کو قرار دیا ہے اور منسوخ کی گئی فلائٹس کے مسافروں سے کہا ہے کہ ری شیڈولنگ یا متبادل فلائٹس کے لیے متعلقہ ایئرلائنز سے رابطہ کریں۔
دوسری جانب، سول ایوی ایشن اتھارٹی نے کراچی کے جناح انٹرنیشنل ایئرپورٹ کے لیے نئی ہدایات جاری کی ہیں جن میں ایئرپورٹ اسٹاف کے لیے فیس ماسک پہننا، ہینڈ سینیٹائزر کا استعمال اور مسافروں کے سامان کو ڈس انفیکٹ کرنا شامل ہے۔
یہ بھی پڑھیں: کراچی ایئرپورٹ پر بھارتی طیارے کی ایمرجنسی لینڈنگ
علاوہ ازیں، بارڈر ہیلتھ سروسز کی ہدایات کے مطابق وبائی امراض سے متاثرہ مسافروں کو الگ کرنے کے احکامات بھی جاری کیے گئے ہیں۔ سول ایوی ایشن اتھارٹی نے تمام ایئرلائنز کو ہدایت کی ہے کہ وہ مسافروں کو فیس ماسک بھی فراہم کریں اور یقینی بنائیں کہ انٹرنیشنل ایئرلائن اسٹاف اور گراؤنڈ ہینڈلنگ اسٹاف دوران ڈیوٹی فیس ماسک استعمال کریں۔
