بالی ووڈ اسٹار شردھا کپور شردھا کپور نے ان وجوہات کا انکشاف کردیا ہے کہ جن کے سبب انہوں نے شاہ رخ خان، سلمان خان، اور عامر خان کے ساتھ فلم میں کام کرنے سے ہمیشہ انکار کیا۔
یہ بھی پڑھیں: تو جھوٹی میں مکار: رنبیر کپور کو شردھا کے ساتھ فلم کی تشہیر سے عالیہ بھٹ نے روک دیا ؟
ایک تازہ انٹرویو میں نامور اداکار شکتی کپور کی بیٹی شردھا کپور نے بالآخر وہ وجہ بتادی جس کی بنا پر انہوں نے بالی ووڈ کے 3 بڑے ناموں میں سے کسی ایک کے ساتھ بھی فلم میں کام کرنا گوارا نہیں کیا۔
شردھا کپور نے حال ہی میں ایک کامیاب ہارر کامیڈی فلم ’اسٹری 2‘ میں کام کیا ہے۔ انہوں نے بتایا کہ انہوں نے کئی بار پیشکش کے باوجود اب تک ہندی سنیما کے سپر اسٹارز شاہ رخ، سلمان اور عامر ساتھ کام نہیں کیا۔
مزید پڑھیے: ایک منٹ کے ایک کروڑ روپے، اتنے زیادہ پیسے لینے والی اداکارہ کون ہیں؟
اس کی وجہ بتاتے ہوئے انہوں نے کہا کہ ایسا اکثر ہوتا ہے کہ آپ کو فلم کی پیشکش کی جاتی ہے لیکن اگر آپ کو لگتا ہے کہ آپ کو دیا جانے والا کردار کوئی خاص پرجوش اور مزے کا نہیں ہے یا یہ کردار آپ میں موجود فنکار کو چیلنج نہیں کرتا تو آپ اسے قبول نہیں کرتے۔ انہوں نے مزید کہا کہ یہی وجہ تھی کہ جب بھی پیشکش ہوئی انہوں نے وہ رول ٹھکرا دیے۔
مزید پڑھیں: رنبیر اور شردھا کی فلم ’تو جھوٹی میں مکار‘کی باکس آفس پر کمائی کی رفتار برقرار
شردھا نے کہا کہ میں اچھی فلموں کا حصہ بننا، اچھی کہانیوں والی فلموں میں شامل ہونا، اچھے ہدایت کاروں کے ساتھ کام کرنا اور اچھا کام کرنا چاہتی ہوں۔ اگر ان باتوں کے ساتھ مجھے اچھے اداکاروں یا بڑے ستاروں کے ساتھ کام کرنے کا موقع ملتا ہے تو میں ایسی پیشکش خوشی سے قبول کرلوں گی۔
شردھا کپور نے 200 کروڑ روپے منافع کمانے والی ’اسٹری 2‘ سے قبل رنبیر کپور کے ساتھ فلم ’تو جوٹھی میں مکار میں کام کیا جس نے دنیا بھر میں 223 کروڑ روپے کمائے۔
