معروف فٹبال اسٹار کرسٹیانو رونالڈو کے یوٹیوب چینل نے سارے ریکارڈ توڑ دیے۔ ان کے یوٹیوب چینل نے لانچ ہوتے ہی کئی ریکارڈ بنا ڈالے۔
گزشتہ روز فوٹو اینڈ ویڈیو شیئرنگ ایپ انسٹاگرام پر مداحوں کو اپنے یوٹیوب چینل کے حوالے سے آگاہ کرتے ہوئے انہوں نے چینل کو سبسکرائب کرنے کی درخواست کی تھی۔
The wait is over 👀🎬 My @YouTube channel is finally here! SIUUUbscribe and join me on this new journey: https://t.co/d6RaDnAgEW pic.twitter.com/Yl8TqTQ7C9
— Cristiano Ronaldo (@Cristiano) August 21, 2024
کرسٹیانو رونالڈو نے پہلے 12 گھنٹے میں اپنے یوٹیوب چینل پر 10 ملین سبسکرائبرز حاصل کر کے معروف یوٹیوبر مسٹر بیسٹ کا ریکارڈ توڑ دیا ہے۔ اس وقت رونالڈو نے اپنے چینل پر 29 ملین سے زائد سبسکرائبرز حاصل کر لیے ہیں۔ پرتگالی فٹ بالر نے اپنے خاندان کے ہمراہ چینل پر یوٹیوب گولڈن بٹن کو ان باکس کرتے ہوئے ایک ویڈیو بھی شیئر کی ہے۔
A present for my family ❤️ Thank you to all the SIUUUbscribers! ➡️ https://t.co/d6RaDnAgEW pic.twitter.com/keWtHU64d7
— Cristiano Ronaldo (@Cristiano) August 21, 2024
گولڈن بٹن حاصل کرنے کی ویڈیو پوسٹ کرنے پر صارفین کی جانب سے کرسٹیانو رونالڈو کے لیے خوشی کا اظہار کیا جا رہا ہے۔ ایک صارف نے لکھا کہ ایک سپر اسٹار کی حیثیت سے کرسٹیانو رونالڈو کا کوئی مقابلہ نہیں ہے جو لوگ فٹ بال نہیں دیکھتے وہ بھی جانتے ہیں کہ رونالڈو کون ہے۔
As a superstar, I don't think he has any competition. People who don't watch football also know who he is. https://t.co/yeoJUoUzvT
— Oshan (@oshanreddevil5) August 23, 2024
ایک صارف نے لکھا کہ بدقسمتی سے آپ اپنے ورلڈ کپ کے جشن کی ویڈیو اپنے یو ٹیوب چینل پر اپلوڈ نہیں کر سکتے۔
Unfortunately you can't upload your world cup celebration video there 😭 https://t.co/FlnnqLi8nq
— BRA_DABAH★ (@SinbadYaro) August 21, 2024
ایک ایکس صارف نے سوال کیا کہ یوٹیوب نے اتنے کم وقت میں گولڈن بٹن کیسے تیار کیا اور چند گھنٹوں میں رونالڈو تک کیسے پہنچا دیا؟
how did youtube get this ready & deliver it within hours? https://t.co/HEqBPuVzVl
— Miz (@gideonmizpah) August 21, 2024
واضح رہے یوٹیوب گولڈ بٹن کریئٹرز کو 1 ملین سبسکرائبرز عبور کرنے پر ملتا ہے، جبکہ 10 ملین سبکسرائبرز عبور کرنے پر ڈائمنڈ، 50 ملین پر کسٹم پلے بٹن، 100 ملین پر ریڈ ڈائمنڈ پلے بٹن دیا جاتا ہے۔
