امریکی ریاست کیلیفورنیا کے ساحل سمندر پر انسانی کھوپڑی دریافت ہونے کے بعد پولیس نے تحقیقات کا آغاز کیا تو حیران کن انکشاف سامنے آگیا۔
غیرملکی میڈیا کے مطابق، لانگ بیچ پولیس ڈیپارٹمنٹ کا کہنا ہے کہ انہیں لائف گارڈز نے پیر کی صبح سوا 7 بجے کال کی اور ساحل سمندر سے ملنے والی انسانی کھوپڑی کے بارے میں بتایا۔
یہ بھی پڑھیں: امریکا: ایک شخص کے گھر سے 40 انسانی کھوپڑیاں، ریڑھ کی ہڈیاں اور دیگر اعضا برآمد
ساحل سمندر سے انسانی کھوپڑی ملنے کی خبر سوشل میڈیا پر آگ کی طرح پھیل گئی اور پولیس نے ممکنہ قتل کی تحقیقات کا آغاز کرنے کا فیصلہ کیا۔
اسی سلسلے میں فرانزک ٹیم کو بلایا گیا۔ اس ٹیم میں شامل طبی ماہرین نے کھوپڑی کا تفصیلی معائنہ کرنے کے بعد انکشاف کیا کہ یہ کسی انسان کی کھوپڑی نہیں۔
یہ بھی پڑھیں: کتے کے حملے کا نشانہ بننے والی خاتون کس عذاب سے گزر رہی ہے؟
فرانزک ٹیم نے پولیس کو بتایا کہ یہ کھوپڑی دراصل پلاسٹک کی بنی ہوئی ہے جو بظاہر ہوبہو انسانی کھوپڑی کی طرح نظر آتی ہے۔ طبی ماہرین کی رائے جاننے کے بعد پولیس نے ’قتل‘ کی تحقیقات کرنے کا فیصلہ واپس لے لیا۔
