بلوچستان میں سرکاری اسپتالوں کو پبلک پرائیویٹ پارٹنرشپ کے تحت چلانے کا فیصلہ کیا گیا ہے۔ پہلے مرحلے میں 10 اسپتالوں کو پبلک پرائیویٹ پارٹنر شپ کے تحت چلایا جائے گا۔
مزید پڑھیں:پاکستان میں پہلی بار زندگی بچانے والی بائیو پولیمر ڈریسنگ تیار، اسپتال پہنچے بغیر جان بچا سکتے ہیں
محکمہ صحت بلوچستان نے 2 ٹراما سینٹرز کو بھی پبلک پرائیویٹ پارٹنر شپ کے تحت چلانے کا نوٹیفکیشن جاری کردیا ہے۔ پبلک پرائیویٹ پارٹنرشپ کے تحت چلانے والے اسپتالوں میں ڈسٹرکٹ ہیڈ کوارٹر اسپتال ژوب، پنجگور، کوہلو، پشین، خضدار اور ڈیرہ بگٹی کے ڈسٹرکٹ ہیڈ کوارٹر اسپتال شامل ہیں۔
قلات اور لسبیلہ کے ڈسٹرکٹ ہیڈ کوارٹر اسپتال بھی پبلک پرائیویٹ پارٹنرشپ کے تحت چلائے جانی والی فہرست میں شامل ہیں۔ جبکہ ٹراما سنٹر ژوب اور ٹراما سنٹر خضدار کو بھی پبلک پرائیویٹ پارٹنرشپ کے تحت چلایا جائے گا۔
