صدر مملکت آصف علی زرداری نے جمعیت علما اسلام (ف) کے سربراہ مولانا فضل الرحمان کی رہائشگاہ پر جاکر ان سے ملاقات کی ہے۔
مولانا فضل الرحمان نے اپنے گھر آمد پر صدر مملکت آصف علی زرداری اور دیگر مہمانوں کا استقبال کیا۔
یہ بھی پڑھیں نوازشریف اور زرداری سے بات کرنے کو تیار ہوں، فضل الرحمان کا پی ٹی آئی سے مذاکرات ٹوٹنے کا اشارہ
صدر آصف زرداری اور مولانا فضل الرحمان کے درمیان ملک کی سیاسی صورتحال پر تبادلہ خیال ہوا ہے۔ جبکہ وفاقی وزیر داخلہ محسن نقوی بھی صدر آصف زرداری کے ہمراہ تھے۔
ملاقات میں جمعیت علما اسلام کے سینیئر رہنما عبدالغفور حیدری، مولانا اسعد محمود اور دیگر بھی موجود تھے۔
واضح رہے کہ حکومت نے آئندہ ہفتے پارلیمنٹ کا مشترکہ اجلاس طلب کیا ہے اور اہم قانون سازی کرنے جارہی ہے۔
میڈیا رپورٹس کے مطابق صدر مملکت آصف زرداری نے آئندہ ہفتے پارلیمنٹ سے ہونے والی اہم قانون سازی پر مولانا فضل الرحمان سے مشاورت کی ہے۔
یہ بھی پڑھیں میاں نواز شریف کی فضل الرحمان کو حکومت میں شمولیت کی دعوت، کیا مولانا مان گئے؟
یہ بھی یاد رہے کہ مولانا فضل الرحمان حکومت کے خلاف تحریک انصاف سمیت کسی بھی اپوزیشن پارٹی سے اتحاد نہ کرنے کا اصولی فیصلہ کرچکی ہے، اور انہوں نے اعلان کیا ہے کہ وہ علیحدہ سے اپنی جدوجہد جاری رکھیں گے، تاہم پی ٹی آئی کے ساتھ ان کے رابطے بحال ہیں۔
