پوئیٹری کیمرا (Poetry Camera) نامی ڈیوائس تیار کی گئی ہے جو جدید ترین ٹیکنالوجی سے لیس ہے جو تصویروں کو شاعرانہ الفاظ میں بدل دیتی ہے۔ ژانگ اور ماتھر نے کیمرہ تیار کیا اور ٹیکنالوجی اور آرٹ میں اپنی مہارت کو یکجا کیا۔
یہ بھی پڑھیں:کنوؤں اور کوئلہ کانوں میں پھنسے افراد کا سراغ لگانے کے لیے مقامی شخص کی کیمرا ڈیوائس کتنی کارگر؟
پہلی نظر میں یہ کیمرہ کسی دوسرے ڈیجیٹل کیمرے جیسا لگتا ہے لیکن قریب سے دیکھنے سے پتا چلتا ہے کہ یہ کوئی عام کیمرا نہیں۔ صرف تصاویر لینے کے بجائے، یہ کیمرہ مناظر کو مدنظر رکھتا ہے۔
ابتدائی مراحل میں دونوں نے ڈیوائس کے لیے ایک سے زیادہ مصنوعی ذہانت AI ماڈلز استعمال کیے اور اب Chat GPT4 کو شاعری کے لیے استعمال کیا جا رہا ہے۔ یہ کیمرہ تصاویر کھینچتا ہے اور پھر ڈیوائس میں الگورتھم منظر کے ڈیٹا کا تجزیہ کرتے ہیں۔
یہ منفرد ڈیوائس Raspberry Pi کمپیوٹر کا استعمال کرتا ہے جو کریڈٹ کارڈ کے سائز کا ہے جو چھوٹا لیکن طاقتور ہے۔ اس کے بعد AI ماڈل تصویر کی جانچ کرتا ہے، اس کے رنگوں اور دیگر عناصر کی شناخت کرتا ہے اور اس کے مطابق شاعری والے الفاظ تیار کرتا ہے۔ فی الحال اسے عام لوگوں کے لیے تیار نہیں کیا جا رہا ہے لیکن اس کے مختلف پہلوؤں کا تجربہ کیا جا رہا ہے۔
اس کے ڈویلپرز کا کہنا ہے کہ یہ ڈیوائس اوپن سورس ہے اور صارفین اپنی ترجیحات کے مطابق شاعری کی مختلف اقسام کا انتخاب کر سکتے ہیں۔
