پاکستان کرکٹ بورڈ (پی سی بی) کے چیئرمین محسن نقوی نے راولپنڈی ٹیسٹ میں جیت پر بنگلہ دیشی کرکٹ ٹیم کو مبارکباد پیش کی ہے۔
سماجی رابطے کی سائٹ ’ایکس‘ پر اپنے ایک بیان میں محسن نقوی نے لکھا کہ بنگلہ دیش کرکٹ ٹیم نے پاکستان کے خلاف تاریخی کامیابی حاصل کی۔
انہوں نے کہاکہ بنگلہ دیش کرکٹ ٹیم نے پورے میچ میں اچھی کارکردگی دکھائی، اور شاندار کھیل کا مظاہرہ کیا۔ پہلی مرتبہ پاکستان کے خلاف ٹیسٹ میچ جیتنے پر بنگلہ دیشی کرکٹ ٹیم کو مبارکباد پیش کرتا ہوں۔
انہوں نے کہاکہ قومی کرکٹ ٹیم کو جس طرح سے کھیلنا چاہیے تھا نہیں کھیل سکی، قومی ٹیم اگلے میچ میں کم بیک کرے گی۔
واضح رہے کہ پاکستان بنگلہ دیش ٹیسٹ سیریز کے پہلے میچ میں بنگلہ دیش نے پاکستان کو 10 وکٹوں سے شکست دے دی ہے، میچ کا فیصلہ آخری روز میں ہوا۔
یہ بھی پڑھیں بنگلہ دیش کی راولپنڈی ٹیسٹ میں پاکستان کے خلاف پہلی تاریخی فتح
دونوں ٹیموں کے درمیان کھیلے گئے پہلے ٹیسٹ میچ کی دوسری اننگز میں قومی ٹیم 146 رنز بنا کر آؤٹ ہوگئی تھی، اور مہمان ٹیم کو جیت کے لیے صرف 30 رنز کا ہدف دیا تھا جو انہوں نے بغیر کوئی وکٹ گنوائے حاصل کرلیا۔
