بانی تحریک انصاف عمران خان ک بہن علیمہ خان نے کہا ہے کہ 8ستمبر کو عمران خان کے حکم پر میں بھی جلسہ میں شرکت کروں گی، عمران خان نے کہا ہے کہ چاہے یہ 400 دھمکیاں دیں یا کہیں کہ راستے میں راکٹ لانچر ہے جلسہ ضرور ہوگا۔
اہم ترین
8 ستمبر کو عمران خان کے حکم پر میں بھی جلسہ میں شرکت کروں گی، عمران خان نے کہا ہے کہ چاہے یہ 400 دھمکیاں دیں یا کہیں کہ راستے میں راکٹ لانچر ہے جلسہ ضرور ہوگا، علیمہ خان pic.twitter.com/PwRmplhjqc
— Ahmad Hassan Bobak (@ahmad__bobak) August 26, 2024
اڈیالہ جیل کے باہر علیمہ خان نے میڈیا سے گفتگو کرتے ہوئے کہا کہ ہمارے پاس سیاست کے لیے وقت نہیں ہے، بانی پی ٹی آئی عمران خان ہمارا لیڈر بھی ہے اور بھائی بھی ہے۔ آپ جو چاہیں کریں ہم کھڑے رہیں گے۔
مزید پڑھیں: علیمہ خان پارٹی میں انتشار کا سبب بن رہی ہیں، پی ٹی آئی رہنما شوکت یوسفزئی
علیمہ خان نے کہا کہ آپ بے شک سیکیورٹی کے نام پر ہمارے پیچھے گاڑیاں لگا دیں، یہ لوگ جب جلسہ ملتوی کرنا ہوتا ہے پاؤں پڑجاتے ہیں۔ اب عمران خان نے کہا ہے کہ 8 ستمبر کو ہرحال میں جلسہ ہوگا۔
’کچھ بھی ہوجائے 8ستمبر کو جلسہ ضرور کریں گے‘۔
انہوں نے کہا کہ ہمارے کارکنان کو جیلوں میں ڈالا ہوا ہے، تیسری بار اڈیالہ جیل کا عملہ تبدیل کردیا گیا ہے۔ آپ جب ٹی وی پر ہمارا تماشہ بناتے ہیں تو کیا گھر کی خواتین آپ سے نہیں پوچھتیں، ان کو جاکر کیا کہتے ہیں۔
یہ بھی پڑھیں: علیمہ خان کا بانی پی ٹی آئی کی رہائی کے لیے مہم چلانے کا اعلان
ان کا کہنا تھا کہ آئندہ کے لیے بھی جو مخصوص پیغام ہوگا، عمران خان کی ہدایت پر آکر دیا کریں گے۔ عمران خان نے 3،4 لوگوں کو مخصوص پیغام کے لیے مختص کیا ہے۔
