پاکستان تحریک انصاف (پی ٹی آئی) کے زیر حراست رکن قومی اسمبلی امتیاز چوہدری کی والدہ سے ملاقات ہوئی ہے، اور اس موقع پر جذباتی مناظر دیکھنے کو ملے۔
رکن اسمبلی امتیاز چوہدری پروڈکشن آرڈر جاری ہونے پر آج قومی اسمبلی کے اجلاس میں شرکت کے لیے پہنچے تھے، جہاں اجلاس میں جانے سے قبل ان کی والدہ سے ملاقات ہوئی۔
ایم این اے حاجی امتیاز چوہدری ماں کے گلے لگ کر رو پڑے
حاجی امتیاز چوہدری کی والدہ نے بیٹے کے ماتھے کو چوما
پروڈکشن آرڈر جاری ہونے پر حاجی امتیاز کو پارلیمنٹ ہاوس لایا گیا ہے pic.twitter.com/5da7Dmkpge— Sheraz Ahmad Sherazi (@Sherazi_Silmian) August 26, 2024
امتیاز چوہدری کو والدہ نے گلے لگا لیا، اور آبدیدہ ہوگئیں، اس موقع پر دیگر سیاسی رہنما بھی موجود تھے۔
واضح رہے کہ ممبر قومی اسمبلی امتیاز چوہدری این اے 68 منڈی بہاؤالدین سے رکن اسمبلی منتخب ہوئے ہیں۔
امتیاز چوہدری کو 24 جولائی کو اینٹی کرپشن اسٹیبلشمنٹ پنجاب نے حراست میں لیا تھا۔
