مقبول میسجنگ ایپ ٹیلی گرام کے سی ای او پاول دورو کو فرانسیسی پولیس نے ہفتے کی شام لی بورجٹ ایئرپورٹ سے گرفتار کیا تھا، انہیں 90 کروڑ صارفین رکھنے والی ایپ ٹیلی گرام پر مجرمانہ سرگرمیوں کے مبینہ پھیلاؤ سمیت کئی الزامات میں گرفتار کیا گیا تھا۔
تاہم پاؤل دورو کہہ چکے ہیں کہ امریکا کی ایف بی آئی ان کے پلیٹ فارم تک بیک ڈور سے رسائی چاہتی تھی مگر انہوں نے انکار کردیا تھا۔
یہ بھی پڑھیں: ٹیلی گرام کے بانی کو موساد کی خوبصورت ایجنٹ نے گرفتار کروایا؟
فرانس کے صدر پاؤل دورو کی گرفتاری کے حوالے سے کہا ہے کہ ان کی گرفتاری میں سیاست نہیں کی گئی، ان کے بارے میں فیصلہ عدالت کے ججز کریں گے۔
دوسری جانب پاؤل دورو کے خلاف کارروائی کے بعد ویڈیوز سے متعلق ایک اور بڑے سوشل میڈیا پلیٹ فارم کے بانی کرس پاولووسکی نے بھی فرانس چھوڑ دیا ہے۔
یہ بھی پڑھیں: معروف سوشل میڈیا پلیٹ فارم ٹیلی گرام کے بانی پاول دورو فرانس میں گرفتار
فرانس چھورنے کے بعد اپنے پیغام میں کرس پاؤلووسکی نے الزام لگایا کہ آزادی اظہار سے متعلق فرانس کے صدر جھوٹ بول رہے ہیں، پاؤلووسکی کے مطابق وہ فرانس میں اپنا پلیٹ فارم بند کررہے ہیں، کیوں کہ وہاں آزادی اظہار نہیں ہے۔
