معروف بین الاقوامی سوشل میڈیا پلیٹ فارم ’ٹیلی گرام‘ کے بانی اور سی ای او پاول دورو کو فرانس میں گرفتار کرلیا گیا ہے۔
یہ بھی پڑھیں:اعتدال اور ٹیلی گرام کی مشترکہ کاوشیں، ڈیڑھ کروڑ سے زائد انتہا پسند مواد ہٹادیا
بین الاقوامی میڈیا کے مطابق پاول دورو آذربائیجان سے اپنے نجی طیارے کے ذریعے پیرس پہنچے تھے جہاں انہیں حراست میں لے لیاگیا۔
بین الاقوامی میڈیا کے مطابق ’ٹیلی گرام‘ کے بانی روس اور فرانس دونوں ممالک کی شہریت رکھتے ہیں۔
پاول دورو پر قانون نافذ کرنے والے حکام سے عدم تعاون، منشیات کی اسمگلنگ، کمسنوں سے مجرمانہ فعل اور دھوکا دہی میں ملوث ہونے کا شبہ ظاہر کیا گیا ہے۔
یہ بھی پڑھیں:ٹیلی گرام پر ایک روز میں 7 کروڑ صارفین کا اضافہ
بین الاقوامی میڈیا کے مطابق پاول دورو پر آج فرد جرم عائد کیے جانے کاامکان ہے۔
واضح رہے کہ پاول دورو کی پیدائش روس کی ہے، تاہم اپنا سوشل میڈیا پلیٹ فارم بند کرنے سے متعلق مطالبات تسلیم کرنے سے انکار کرتے ہوئے انہوں نے 2014 میں روس چھوڑ دیا تھا۔
