کراچی میں کارساز روڈ پر گاڑی کی ٹکر سے باپ بیٹی کی ہلاکت کے کیس میں گرفتار ملزمہ نتاشا دانش کے شوہر دانش اقبال خود اپنی گرفتاری کے خدشے کے پیش نظر حفاظتی ضمانت حاصل کرلی۔
سندھ ہائیکورٹ نے ملزم کی 7 دن کے لیے حفاظتی ضمانت منظور کرلی اور اسے 50 ہزار روپے کے مچلکے جمع کرانے کا حکم دیا۔
یہ بھی پڑھیں: کارساز ٹریفک حادثہ: کیا ملزمہ نتاشا نشے میں تھی، میڈیکل رپورٹ میں کیا انکشاف ہوا؟
وکیل درخواست گزار عامر منسوب کے مطابق عدالت سے استدعا کی گئی کہ دانش اقبال کی گرفتاری کا خدشہ ہے اس لیے حفاظتی ضمانت منظور کی جائے، دانش اقبال کا اس سارے واقعہ سے کوئی تعلق نہیں۔ پولیس کے مطابق ملزمہ نتاشا جیل میں ہے۔
