فیصل کپاڈیا پاکستان کے معروف موسیقاروں میں سے ایک ہیں، جنہوں نے بے شمار گیت گائے ہیں، جو مشہور بھی ہوئے، ان کو لاکھوں لوگ پسند کرتے ہیں، انہوں نے 90 کی دہائی سے میوزک سین پر راج کیا ہے۔
فیصل کپاڈیا مرحوم جنید جمشید کے بہت قریب تھے، انہوں نے حال ہی میں یوٹیوب چینل 360 پر میزبان اشنا شاہ کے ساتھ گفتگو میں جنید جمشید کے بارے میں کچھ دلکش یادیں مداحوں کے ساتھ شیئر کی ہیں۔
یہ بھی پڑھیں: مدینہ منورہ سے جنید جمشید کے بیٹے کی نعت پڑھتے ہوئے ویڈیو وائرل
فیصل کپاڈیا کے مطابق وہ اپنے پہلے بڑے کنسرٹ کے دوران گھبرا گئے تھے۔’جنید جمشید ساؤنڈ چیک کے لیے آئے اور میری موسیقی کی تعریف کی، جس سے میں گانے کے لیے بالکل تیار ہو گیا۔‘
انہوں نے یہ بھی انکشاف کیا کہ ان کے میوزک استاد اور مرحوم جنید جمشید کے میوزک استاد ایک ہی ہیں۔
یہ بھی پڑھیں: پی آئی اے حویلیاں حادثہ: مسافروں کے لواحقین 7 سال بعد بھی تحقیقات سے کیوں مطمئن نہیں؟
انہوں نے بتایا کہ کس طرح مرحوم جنید جمشید ان کے ساتھ بیٹھا کرتے تھے اور وہ کلاسک میوزک اور راگ بجاتے تھے۔ ’یہ وہ کام ہے جو انہوں نے کسی اور کے ساتھ نہیں کیا، جنید جمشید کو کلاسک موسیقی سے بے پناہ لگاؤ تھا۔‘
