بنگلہ دیش نے پاکستان کو راولپنڈی میں کھلیے گئے دوسرے ٹیسٹ میچ میں 6 وکٹوں سے شکست دے کر سیریز 0-2 سے اپنے نام کر لی، پاکستانی ٹیم پہلے ٹیسٹ میچ میں شکست کے بعد دوسرے ٹیسٹ میچ میں بے بس دکھائی دی اور بنگلہ دیش نے سیریز میں پاکستان کو تاریخی وائٹ واش کردیا۔
بنگلہ دیش کے خلاف ٹیسٹ سیریز میں پاکستانی ٹیم کی شکست پر مداح غم و غصے کا اظہار کررہے ہیں اور کھلاڑیوں کی ناقص کارکردگی پر تنقید کررہے ہیں۔
پاکستان تحریک انصاف کے رہنما نعیم حیدر پنجوتھہ نے لکھا کہ بنگلہ دیش نے پاکستان کو پہلی بار ٹیسٹ سیریز میں شکست دی ہے، انہوں نے چیئرمین پاکستان کرکٹ بورڈ (پی سی بی) محسن نقوی کو آڑے ہاتھوں لیتے ہوئے کہاکہ جب ادارے کا سربراہ سفارشی ہوگا تو ایسا ہی ہو گا، ان کا مزید کہنا تھا کہ تمام ادارے تباہ کیے جارہے ہیں۔
بنگلہ دیش نے دوسرا کرکٹ میچ بھی جیت کر پاکستان کو پہلی بار ٹیسٹ سیریز میں شکست دیدی
جب ادارے کا سربراہ سفارشی محسن نقوی ہو گا تو ایسا ہی ہو گا ،تمام ادارے تباہ کیے جارہے ہیں
— Naeem Haider Panjutha (@NaeemPanjuthaa) September 3, 2024
حافظ فرحت عباس لکھتے ہیں کہ محسن نقوی نے جب سے کرکٹ بورڈ کی سربراہی سنبھالی اس وقت سے یہ کھیل مسلسل تباہی کا شکار ہے، ورلڈ کپ میں امریکا جیسی ٹیم سے شکست کھا گئے اور باہر ہو گئے جبکہ اب اپنی سرزمین میں بنگلہ دیش سے پہلی بار ٹیسٹ سیریز ہار گئے ہیں۔
صارف کا مزید کہنا تھا کہ نہ کرکٹ ٹھیک ہورہی ہے اور نہ ہی امن و امان کی صورتحال بہتر ہو رہی ہے لیکن محسن نقوی دونوں عہدوں پر براجمان ہیں۔ عوام کو خوشی دینے والا واحد کھیل بھی مکمل تباہ کرنا شاید ان کا مشن ہے۔
پاکستان آج بنگلہ دیش سے دوسرا ٹیسٹ میچ بھی ہار گیا. محسن نقوی نے جب سے کرکٹ بورڈ کی سربراہی سنبھالی اس وقت سے کرکٹ مسلسل تباہی کا شکار ہے. ورلڈ کپ میں امریکہ جیسی ٹیم سے شکست کھا گئے اور باہر ہو گئے. اب اپنی سرزمین میں بنگلہ دیش سے پہلی بار ٹیسٹ سیریز ہار گئے. نہ کرکٹ ٹھیک ہو رہی… pic.twitter.com/c10niJY71e
— Hafiz Farhat Abbas (@FarhatAbbas_PTI) September 3, 2024
احسن اعوان نامی ایکس صارف نے بنگلہ دیش کے ہاتھوں پاکستان کی بدترین شکست پر تبصرہ کرتے ہوئے لکھا کہ ’مریض نہیں سرجن بدل کر دیکھیں شاید معاملہ حل ہوجائے‘۔
صحافی خرم اقبال لکھتے ہیں کہ پاکستان کو تاریخی شکست کا سامنا کرنا پڑا ہے، بنگالی ٹائیگرز نے پنڈی کا میدان فتح کرلیا۔
پاکستان کو تاریخی شکست، بنگالی ٹائیگرز نے پنڈی کا میدان فتح کر لیا۔۔!! pic.twitter.com/l4lI76qjh5
— Khurram Iqbal (@khurram143) September 3, 2024
اجمل جامی لکھتے ہیں کہ بنگلہ دیش بطور ٹیم پاکستان کی ٹیم سے ہر طرح سے بہتر ہے۔
Team Bangladesh truly deserves to sweep the series. They are a better unit than the Team Pak by all means.
Green shirts’ sheer nalaayiqi is about to earn them the most sharamnak defeat at home ground. Good for them to learn a lesson though. #PAKvBAN— Ajmal Jami (@ajmaljami) September 3, 2024
مغیث علی نے پاکستانی ٹیم پر تنیقد کرتے ہوئے لکھا کہ نہ بیٹنگ چلی، نہ بولنگ، اور فیلڈنگ بھی تھرڈ کلاس تھی جس کی وجہ سے بنگالی ٹیم نے پاکستان کو پہلی بار ٹیسٹ سیریز میں وائٹ واش کردیا اور پاکستان کو ہوم گراونڈ پر عبرتناک شکست کا سامنا کرنا پڑا۔
نہ بیٹنگ چلی، نہ باولنگ، فیلڈنگ بھی تھرڈ کلاس، بنگالی ٹیم نے پاکستان کو پہلی بار ٹیسٹ سیریز میں وائٹ واش کردیا، پاکستان کو ہوم گراونڈ پر عبرتناک شکست۔۔۔!!! pic.twitter.com/jFpedwmmzj
— Mughees Ali (@mugheesali81) September 3, 2024
واضح رہے کہ ٹیسٹ کرکٹ کی تاریخ میں یہ بنگلہ دیش کی پاکستان کے خلاف پہلی سیریز فتح ہے۔ بنگلہ دیش نے گذشتہ ماہ راولپنڈی میں کھیلے گئے پہلے ٹیسٹ میں 10 وکٹوں سے کامیابی حاصل کی تھی جو پاکستان کے خلاف اس کی 14 میچوں میں پہلی فتح تھی۔
