چئیرپرسن پنجاب وومن پروٹیکشن اتھارٹی حنا بٹ نے خواتین کو تیزاب گردی سے بچانے کے لیے ’پنجاب ایسڈ کنٹرول بل‘ بل پنجاب اسمبلی سیکریٹریٹ میں جمع کروادیا ہے۔
یہ بھی پڑھیں: بیوی اور معصوم بیٹی کو تیزاب سے جلانے والا سفاک ملزم گرفتار
حنا پرویز بٹ نے بل ڈی جی پارلیمنٹری افیئرز اینڈ ریسرچ خالد محمود کو جمع کروایا، یہ بل اینیشیٹو فارسسٹین ایبل ڈویلپمنٹ کے تعاون سے بنایا گیا ہے، بل کا مقصد تیزاب گردی کے سدبابے لیے تیزاب کی خریدوفروخت کو منظم کرنا ہے۔
اس حوالے سے چئیر پرسن پنجاب وومن پروٹیکشن اتھارٹی حنا پرویز بٹ کا کہنا ہے کہ اس بل کی تیاری چئیرپرسن پی ڈبلیو پی اے کی باضابطہ کاوشوں کا نتیجہ ہے۔ ’ ہم مل کرخواتین کے لیے ایک محفوظ معاشرہ بنانے کے لیے سرگرم عمل ہیں، منظوری کے بعد بل فوری طور پر پورے پنجاب میں نافذ العمل ہوگا۔
یہ بھی پڑھیں: داماد اور بیوی کو قتل کرکے تیزابی نالے میں پھینکنے والے قاتل گرفتار
حنا بٹ کا کہنا ہے کہ بل کے تحت تیزاب کے کسی بھی بیوپاری کو لائسسنگ اتھارٹی سے اجازت نامہ لینا ہوگا، بل کے تحت متعلقہ ضلع کا ڈی سی لائسنسگ اتھارٹی ہوگا، لائسنسگ اتھارٹی کی جانب سے جاری کردہ اجازت نامہ کی معیاد دو سال ہوگی۔
’مقررہ مدت پوری ہونے کے بعد لائسنس کی تجدید کروانا ہوگی، کسی بھی قانونی خلاف ورزی کی صورت میں مجاز اتھارٹی لائسنس کو منسوخ کرسکتی ہے، اس قانون کے نفاذ کے 120 دن کے اندر لائسنس نہ لینے والوں کو بھاری جرمانہ اور سزا ہوگی۔‘
یہ بھی پڑھیں: خواتین کو جاہل قرار دیے جانے کیخلاف قرارداد پنجاب اسمبلی میں جمع
انہوں نے کہا کہ بل کے تحت 18 سال سے کم عمر افراد پر تیزاب کی خریدوفروخت پر پابندی ہوگی،منظوری کے بعد بل فوری طور پر پورے پنجاب میں نافذ العمل ہوگا۔
