وزیراعظم محمد شہباز شریف نے پیرس میں پیرالمپکس میں کانسی کا تمغہ جیتنے پر ایتھلیٹ حیدر علی کو مبارکباد دی ہے۔
جمعہ کو سماجی رابطے کی ویب سائٹ ایکس پرایک پوسٹ میں وزیراعظم نے اپنے تہنیتی پیغام میں ایتھلیٹ حیدر علی کو مبارکباد دیتے ہوئے کہا کہ آپ کی ہمت اور عزم پوری قوم کے لیے مشعل راہ ہے۔
We 🇵🇰 are celebrating !
Congratulations Haider Ali @HaiderAthlete on winning the Bronze medal 🥉 at the Paris #Paralympics 2024.
Your courage and determination are a source of inspiration for the entire nation.
Wishing you the very best! pic.twitter.com/wxIOnz7zGZ
— Shehbaz Sharif (@CMShehbaz) September 6, 2024
وزیر اعظم شہباز شریف نے اپنی پوسٹ میں پاکستانی جھنڈا لہراتے ہوئے حیدر علی کی تصویر بھی شیئر کی ہے اور ساتھ ہی حیدر علی کے لیے نیک خواہشات کا اظہار بھی کیا ہے۔
واضح رہے کہ پاکستان کے حیدرعلی نے پیرا لمپکس ڈسکس تھرو کے فائنل مقابلے میں پاکستان کے لیے کانسی کا تمغہ جیتا ہے جبکہ ازبکستان کے اتھلیٹ نے گولڈ اور کینیڈا کے اتھلیٹ نے سلور میڈل جیتا ہے۔
یہ بھی پڑھیں:پیرا لمپکس: پاکستان کےحیدر علی برونز میڈل جیتنے میں کامیاب
جمعہ کو پیرا لمپکس مقابلوں میں ڈسکس تھرو کے فائنل مقابلوں میں پاکستان کے حیدر علی نے 52.54 میٹر طویل تھرو پھینک کر کانسی کا تمغہ اپنے نام کیا تاہم ازبکستان کے اتھلیٹ گولڈ میڈل جیتنے میں کامیاب ہو گئے، حیدرعلی نے ابتدائی 2 راؤنڈ میں ٹاپ پوزیشن برقرار رکھی۔
