وزیر اعظم محمد شہباز شریف نے پاک فضائیہ کی لازوال قربانیوں اور پیشہ ورانہ مہارت کو خراج تحسین پیش کرتے ہوئے کہا ہے کہ 7 ستمبر 1965 کے دن پاک فضائیہ کے شاہینوں نے جرات، بہادری اور شجاعت کی تاریخ رقم کی۔ پوری قوم کو پاک فضائیہ پر فخر ہے۔
وزیراعظم محمد شہباز شریف نے یوم فضائیہ پر اپنے پیغام میں کہا کہ عددی تعداد میں کم ہونے کے باوجود پاک فضائیہ کے بہادر جوانوں نے اپنی بہادری سے دشمن کے ناپاک عزائم کو خاک میں ملا دیا۔ ایم ایم عالم نے ایک منٹ کے اندر دشمن کے 5 طیارے تباہ کر کے دشمن کے غرور کو خاک میں ملایا۔
مزید پڑھیں:7 ستمبر یومِ فضائیہ: راشد منہاس شہید کو خراجِ عقیدت کی تقریب میں بھائی انجم منہاس کی شرکت
وزیراعظم نے مزید کہا کہ پوری قوم کو پاک فضائیہ پر فخر ہے۔ وطن کی خاطر اپنی جانوں کا نذرانہ پیش کرنے والے پاک فضائیہ کے شہدا کو سلام پیش کرتے ہیں۔
