8 ستمبر اتوار کی رات اسلام آباد کے علاقے سنگجانی میں پی ٹی آئی کا جلسہ گھنٹوں جاری رہا۔ اس دوران سیاسی جماعت کے کارکنان کی جانب سے پولیس پر پتھراؤ اور پولیس کی جانب سے کارکنان کو منتشر کرنے کے لیے آنسو گیس کا استعمال بھی دیکھنے میں آیا۔
جلسے سے پی ٹی آئی کے متعدد پارٹی رہنماؤں نے خطاب کیا اور عمران خان کو رہا کرنے کا مطالبہ کیا۔ علی امین گنڈاپور نے وزیرِ دفاع خواجہ محمد آصف کو مخاطب کرکے کہا کہ کہتے ہیں جنرل فیض نے ریٹائرمنٹ کے بعد پی ٹی آئی سے رابطے رکھے۔ جنرل فیص ہمیں وراثت میں ملا تھا؟ آپ اپنا ادارہ ٹھیک کریں، اپنے جرنیل ٹھیک کریں، اپنے آپ کو ٹھیک کریں، ان کا مزید کہنا تھا کہ اگر تم نے فوج کو ٹھیک نہ کیا تو فوج کو بھی ہم ٹھیک کریں گے۔
یہ بھی پڑھیں: اپنے الفاظ پہ قائم رہنا، 15دن میں اپنے لیڈر کو رہا کروانا، خواجہ آصف کا علی امین گنڈاپور کو چیلنج
پی ٹی آئی جلسے پر صارفین کی جانب سے مختلف ردعمل کا اظہار کیا جا رہا ہے۔
سابق وفاقی وزیر فواد چوہدری کا کہنا ہے کہ عمومی حالات میں جلسوں سے حکومتیں بے بس نہیں ہوتیں لیکن جب حکومت فارم 47 پر بنا دی جائے اور عوام کی مرضی اس کے صریحاً خلاف ہو تو نارمل سیاسی ایونٹ بھی ایسی حکومتوں کو ہلا دیتے ہیں، سنگجانی جلسہ نے بھی یہ ہی کیا ہے۔
ان کا مزید کہنا تھا کہ ایک جلسے پر حکومت اتنی بوکھلاہٹ کا شکار ہو گئی ہے کہ اسکول اور شہر بند کر دیے گئے، کمال ہے۔ خوف سے نکلنے کا واحد ذریعہ ملک کی سیاست کو نارملائز کرنا ہے اور اس کے لیے عمران خان سے بات کرنا پڑے گی۔ ایک قومی حکومت کے تحت عام انتخابات کی طرف جانا ہی پڑے گا۔ اب اس سے زیادہ نقصان کر کے جانا ہے تو آپ کی مرضی۔
عمومی حالات میں جلسوں سے حکومتیں کہاں بے بس ہوتی ہیں لیکن جب حکومت فارم 47 پر بنا دی جائے اور عوام کی مرضی اس کے صریحاً خلاف ہو تو نارمل سیاسی ایونٹ بھی ایسی حکومتوں کو بلا دیتے ہیں، سنگجانی جلسہ نے بھی یہ ہی کیا ہے، ایک جلسے پر اتنی بوکھلاہٹ، سکول بند شہر بند کمال ہے، خوف سے…
— Ch Fawad Hussain (@fawadchaudhry) September 9, 2024
معروف سماجی کارکن جبران ناصر کا کہنا تھا کہ یہ جلسہ پی ٹی آئی نے عمران خان کے بغیر تمام تر پابندیوں اور مشکلات کے باوجود کیا۔ ن لیگ اور پی پی پی تو اقتدار میں ہیں، کیا ن لیگ بغیر کسی شریف اور پیپلز پارٹی بغیر کسی بھٹو کے اس جلسے کی آدھی تعداد بھی اکٹھی کر سکتی ہیں؟ عوام نہیں بھولے کہ 8 فروری کو کیا ہوا تھا۔ کوئی اور دے نہ دے عوام اپنے ووٹ کو عزت دینا جانتے ہیں۔
یہ جلسہ پی ٹی آئی نے بغیر خان کے کیا اور تمام تر پابندیوں اور مشکلات کے باوجود کیا۔ ن لیگ اور پی پی پی تو اقتدار میں ہیں۔ کیا ن لیگ بغیر کسی شریف اور پی پی پی بغیر کسی بٹھو کے اس جلسے کی آدھی تعداد بھی اکٹھی کر سکتی ہیں؟ عوام نہیں بھولے کے ۸ فروری کو کیا ہوا تھا۔ کوئی اور دے نا… https://t.co/Xwg1ld47Wd
— M. Jibran Nasir 🇵🇸 (@MJibranNasir) September 8, 2024
رہنما تحریک انصاف علی محمد خان نے سنگجانی جلسے کی ایک ویڈیو شیئر کرتے ہوئے کہا کہ خود ہی گن لیں کتنے آدمی تھے۔ ان کا مزید کہنا تھا کہ ویسے اتنا بتا دوں کہ جتنے لوگ سنگجانی جلسہ گاہ کے اندر تھے اس سے دو گنا لوگ سڑکوں پر تھے اور ابھی پہنچ رہے تھے۔
صحافی صدیق جان نے پی ٹی آئی جلسے کی ایک ویڈیو شیئر کرتے ہوئے طنزاً لکھا کہ یہ ویڈیو نواز شریف کی لندن سے واپسی پر اسلام آباد میں ہونے والے تاریخی استقبال کی ہے لیکن یہ پی ٹی آئی والے اپنا جلسہ بنا کر کیوں چلا رہے ہیں؟
یہ ویڈیو میاں صاحب کی لندن سے واپسی پر اسلام آباد میں ہونے والے تاریخی استقبال کی ہے؟؟؟پی ٹی آئی والے اپنا جلسہ بنا کر کیوں چلا رہے ہیں ؟😎 pic.twitter.com/GCuSa2fekB
— Siddique Jan (@SdqJaan) September 8, 2024
مسلم لیگ ن کے آفیشل ٹوئٹر ہینڈل سے دو تصویریں پوسٹ کی گئیں جس میں لکھا تھا، 14 اگست کی ویڈیو کو پی ٹی آئی اسلام آباد جلسے سے منسوب کرکے یہ تاثر دیا جارہا ہے کہ عوام عمران خان کے ساتھ ہے جبکہ حقائق اس کے برعکس ہیں۔ عوام نے انتشار پسند ٹولے کی شدت پسند سیاست کے آگے فل سٹاپ لگا دیا ہے۔
14 اگست کی ویڈیو کو پی ٹی آئی اسلام آباد جلسے سے منسوب کرکے یہ تاثر دیا جارہا ہے عوام فتنہ خان کے ساتھ ہے جبکہ حقائق اس کے برعکس ہیں عوام نے انتشار پسند ٹولے کی شدت پسند سیاست کے آگے فل سٹاپ لگا دیا ہے
#فتنے_کی_کال_قوم_کا_انکار#FlopJalsa pic.twitter.com/tmrDdLa9kZ
— PMLN (@pmln_org) September 8, 2024
چیئرپرسن پنجاب ویمن پروٹیکشن اتھارٹی حنا پرویز بٹ نے طنزاً کہا کہ پی ٹی آئی کا انقلاب تو پھیلنے کی بجائے سکڑ رہا ہے۔
پی ٹی آئی کا انقلاب تو پھیلنے کی بجائے سکڑ رہا ہے۔۔ pic.twitter.com/IaN8adiLNP
— Hina Parvez Butt (@hinaparvezbutt) September 8, 2024
پنجاب کی سینیئر صوبائی وزیر مریم اورنگزیب نے وزیراعلیٰ خیبرپختونخوا علی امین گنڈا پور کے خطاب پر رد عمل دیتے ہوئے سوال کیا کہ کیا بدمعاش غنڈے اور سڑک چھاپ اپنے گھروں میں اپنی بہنوں سے اسی طرح مخاطب ہوتے ہیں؟ اسی غلیظ ذہنیت نے ملک اور سیاست کو گندا کیا ہے، یہ ہی غلیظ ذہنیت نوجوان نسل کو گمراہ کرنا چاہتی ہے۔ جو اِس غلیظ اور گھٹیا ذہنیت کو سپورٹ کریں، وہ بھی ایسے ہی ہیں۔
ان کا کہنا تھا کہ یہ لوگ معاشرے کی غلاظت کے ذمہ دار ہیں، یہ ہے خیبر پختونخوا کا وزیر اعلیٰ جو غیرت مند اور خواتین کی عزت کرنے والے پٹھانوں کی نمائندگی کر رہا ہے، خیبر پختونخوا کے عوام پر ترس آتا ہے اور دل دکھتا ہے۔
بدمعاش غنڈے اور سڑک چھاپ اپنے گھروں میں اپنی بہنوں سے اسی طرح مخاطب ہوتے ہیں .کیا غیرت مند پٹھان اپنی ماؤں بہنوں اور بیٹیوں سے اس طرح مخاطب ہوتے ہیں؟ عمران خان نے اِس طرح کے لوگوں کو پروان چڑھایا ہے۔ یہ ہے نو مئی کے مجرموں کی اصلیت۔ اسی غلیظ ذہنیت نے ملک اور سیاست کو گندا کیا ہے۔… pic.twitter.com/nea086ZpDK
— Marriyum Aurangzeb (@Marriyum_A) September 8, 2024
بعض صارفین کا کہنا تھا کہ پی ٹی آئی کا جلسہ اتنا متاثر کن نہیں تھا جبکہ کچھ صارفین کا خیال تھا کہ تحریک انصاف کا جلسہ علی امین گنڈا پور نے کامیاب بنایا ہے کیونکہ انہوں نے سرکاری وسائل کا استعمال کیا اور خیبرپختونخوا سے لوگوں کو ساتھ لے کر آئے۔
یاد رہے کہ وزیراعلیٰ علی امین گنڈاپور نے گزشتہ روز سنگجانی میں پاکستان تحریک انصاف کے جلسہ سے خطاب کے دوران وفاقی حکومت کو ڈیڈ لائن دیتے ہوئے کہا تھا ’اگر2 ہفتوں کے اندر ہمارے قائد کو رہا نہ کیا گیا تو خود رہا کریں گے۔‘
