محکمہ موسمیات نے جدید سرویلنس ریڈار خریدنے کا فیصلہ کیا ہے، جو ملک کے مختلف حصوں میں نصب کیے جائیں گے۔
محکمہ موسمیات کے مطابق 5 فکسڈ سرویلنس ریڈارملک کے مختلف حصوں میں لگائے جائیں گے، جبکہ محکمہ 3 پورٹیبل سرویلنس ریڈار بھی خریدے گا۔ اس کے علاوہ 300 آٹومیٹک ویدر اسٹیشنز کی تنصیب ملک کے مختلف شہروں میں کی جائے گی۔
یہ بھی پڑھیں گلگت بلتستان: گلیشیئر پگھلنے سے سیلاب کا خطرہ، محکمہ موسمیات نے الرٹ جاری کردیا
ڈائریکٹر جنرل محکمہ موسمیات صاحبزاد خان کے مطابق ریڈار خیبرپختونخوا کےشہروں چراٹ، ڈیرہ اسماعیل خان میں نصب کیے جائیں گے، جبکہ 2 بلوچستان کے شہروں کوئٹہ، گوادر میں لگائے جائیں، اس کے علاوہ لاہور میں ایک ریڈار نصب کیا جائے گا۔
ڈی جی محکمہ موسمیات نے بتایا کہ کراچی میں پہلے سے ہی جدید ٹیکنالوجی سے ہم آہنگ ریڈار اسٹیشن موجود ہے۔
انہوں نے کہاکہ آٹومیٹک ویدر اسٹیشن 105 بلوچستان میں 75، کے پی کے 85، سندھ (بشمول کراچی) اور پنجاب میں 35 آٹومیٹک ویدر اسٹیشن نصب ہوں گے۔
انہوں نے کہاکہ موسمیاتی تبدیلیوں سے بروقت آگاہی، درست تجزیے کے لیے آٹومیٹک ویدر اسٹیشنز انتہائی معاون ثابت ہوں گے۔
یہ بھی پڑھیں درجہ حرارت مزید بڑھے گا یا نہیں، محکمہ موسمیات نے کیا پیشگوئی کی ہے؟
انہوں نے کہاکہ اس منصوبے پر 14 ارب روپے کی لاگت آئے گی، اور آٹو میٹک ویدر اسٹیشنز سے موسمیاتی صورتحال کی مانیٹرنگ مزید بہتر انداز میں ہوسکے گی۔
