ریاض سیزن دنیا کے سب سے بڑے سرمائی تفریحی پروگراموں میں سے ایک ہے، جہاں خصوصی ریسٹورنٹس کے توسط سے دنیا بھر کے انواع و اقسام کے کھانوں سمیت لاتعداد دلچسپ حیرت ناک چیزیں پیش کی جاتی ہیں، یہ سیزن سعودی عرب کے نجدی ورثے سے لے کر اس کی موجودہ ترقی تک کے سفر کا احاطہ کرتا ہے۔
پہلے ریاض سیزن 2023 کے دوران نئے ریاض سیزن کے زون کا اعلان کیا گیا، جسے ’بلیوارڈ رن وے‘ کے نام سے اسٹائل کیا گیا تھا، رواں برس اگست میں، جنرل انٹرٹینمنٹ کے صدر ترکی آل الشیخ نے اس بات کی تصدیق کی کہ یہ زون ریاض سیزن 2024 کا حصہ ہوگا۔
یہ بھی پڑھیں: ریاض سیزن میں ‘بلیک پنک گرل بینڈ’ کورین گرل پرفارم کریں گی
یہ ’بلیوارڈ رن وے‘گیمنگ ایونٹس اور ہوائی جہاز سے متعلق سنسنی خیز تجربات سمیت بالکل نئے تفریحی افق پیش کرے گا، اسی نئے زون کا حصہ بننے سعودی ایئرلائنز کے گراؤنڈ کیے گئے 3 بوئنگ طیارے اس وقت زمینی راستے سے جدہ سے ریاض منتقل کیے جا رہے ہیں، جہاں انہیں منفرد تفریحی مراکز اور ریسٹورنٹس میں تبدیل کیا جائے گا۔
خصوصی ٹرکوں کے ذریعے ان طیاروں کو براستہ مدینہ اور قصیم سعودی دارالحکومت منتقل کیا جا رہا ہے، یہ ریاض سیزن میں شامل ہونیوالے سیاحوں کو ایک نئی اور دلچسپ تجرباتی سہولت فراہم کرنے کی جانب ایک اہم اقدام ہے، جس میں لوگ طیاروں کے اندر کھانے اور تفریحی سرگرمیوں سے لطف اندوز ہو سکیں گے۔
مزید پڑھیں:سعودی عرب میں ستمبر 2024 اہم قومی اور بین الاقوامی کانفرنسوں سے عبارت رہے گا
جب سے ان طیاروں کی ریاض منتقلی کا آغاز ہوا ہے، سعودی عرب کے سوشل میڈیا پر ان طیاروں کے حوالے سے بحث زوروں پر ہے، لوگ بڑے شوق اور دلچسپی کے ساتھ ایک دوسرے سے طیاروں کی زمینی سفر کی روداد جاننے میں دلچسپی لے رہے ہیں اور اس منفرد منصوبہ پر اپنی خوشی کا اظہار کر رہے ہیں۔
مشاعركم وفرحتكم في جولة الطيارات الى ان تصل الرياض اسعدتني جدا وغير مستغربة لانكم اهل البلد الطاهر واجمل بلد السعودية … لذلك سنعمل مسابقة اجمل تصوير للطائرات في طريقها للرياض سواء فيديو او صورة سيحصل على سيارة جديدة فاخرة … وروني ابداعاتكم والمشاركة للسعوديين فقط 🇸🇦❤️ ✈️🎥📸 pic.twitter.com/mjbLOXsfps
— TURKI ALALSHIKH (@Turki_alalshikh) September 10, 2024
سعودی عوام کی اس دلچسپی کو مدنظر رکھتے ہوئے جنرل انٹرٹینمنٹ کے صدر ترکی آل الشیخ نے اپنے ایکس اکاؤنٹ پر ان طیاروں کی سب سے خوبصورت تصویر یا ویڈیو بنانے والوں کے لیے ایک مقابلہ منعقد کرنے کا اعلان کیا ہے، جس میں جیتنے والے کو ایک نئی لگژری کار انعام میں دی جائے گی۔
