پاکستان تحریک انصاف (پی ٹی آئی) کے رہنما نعیم حیدر پنجوتھا نے کہا ہے کہ ترجمان تحریک انصاف رؤف حسن سے رابطہ ہوگیا وہ خیریت سے ہیں۔
سماجی رابطے کی سائٹ ’ایکس‘ پر اپنے ایک بیان میں انہوں نے رؤف حسن کی خیریت سے متعلق بتایا۔
واضح رہے کہ اس سے قبل یہ خبر سامنے آئی تھی کہ ترجمان تحریک انصاف رؤف حسن کا پارٹی رہنماؤں سے رابطہ منقطع ہوگیا ہے۔
پی ٹی آئی نے کہا تھا کہ پارٹی قیادت ترجمان رؤف حسن سے رابطے کی کوشش کررہی ہے لیکن رؤف حسن کہاں ہیں کسی کو کچھ معلوم نہیں۔
یہ بھی یاد رہے گزشتہ رات کو اسلام آباد پولیس نے چیئرمین پی ٹی آئی بیرسٹر گوہر، شیر افضل مروت اور شعیب شاہین سمیت متعدد پی ٹی آئی رہنماؤں کو گرفتار کرلیا تھا۔
اسلام آباد پولیس نے شیر افضل مروت کو اس وقت گرفتار کیا جب وہ قومی اسمبلی کے اجلاس میں شرکت کے بعد واپس جارہے تھے۔ پولیس نے شعیب شاہین کو ان کے دفتر سے گرفتار کیا جبکہ چیئرمین بیرسٹر گوہر نے خود پارلیمنٹ ہاؤس سے باہر آکر گرفتاری دی تھی۔
