اعلیٰ سطحی چینی تجارتی وفد بیئٹی گروپ (Batie Group) نے ایس آئی ایف سی کا دورہ کیا ہے، اور سرمایہ کاری میں گہری دلچسپی کا اظہار کیا ہے۔
رپورٹ کے مطابق ژنجیانگ آئرن برادرز کمپنی لمیٹڈ کی زیر قیادت 4 نمایاں کاروباری اداروں پر مشتمل ایک اعلیٰ سطحی چینی تجارتی وفد نے 10 ستمبر کو ایس آئی ایف سی کا دورہ کیا۔
یہ بھی پڑھیں ایس آئی ایف سی کے تعاون سے چینی کمپنی پنجاب میں سولر پینل پلانٹ لگائے گی
وفد کی سربراہی مسٹر یوآن جیان من (سینیئر ماہر اقتصادیات) نے کی جن کے ساتھ مختلف کاروباری اداروں کے نمائندے بھی موجود تھے۔
ایس آئی ایف سی کے عہدیداروں نے وفد کا پرتپاک استقبال کیا اور انہیں زراعت، لائیو اسٹاک، آئی ٹی، توانائی، معدنیات، سیاحت اور صنعت سمیت ترجیحی شعبوں میں ممکنہ سرمایہ کاری کے مواقع سے آگاہ کیا۔
وفد کو سرمایہ کاری کے مجموعی ماحول کو بہتر بنانے کے لیے ایس آئی ایف سی کی جانب سے کیے جانے والے پالیسی سطح کے اقدامات سے بھی آگاہی فراہم کی گئی۔
چینی تجارتی وفد کو پاکستان میں صنعتی ترقی کی نمایاں خصوصیات سے بھی آگاہ کیا گیا۔
وفد نے ایس آئی ایف سی کے تحت اہم شعبوں میں سرمایہ کاری اور چینی صنعتوں کی پاکستان منتقلی میں گہری دلچسپی ظاہر کی۔
یہ بھی پڑھیں ایس آئی ایف سی اجلاس: وفاقی و صوبائی اسٹیک ہولڈرز کا اہم معاملات پر اتفاق
امید کی جارہی ہے کہ وفد کا دورہ پاکستان اور چین کے درمیان بزنس ٹو بزنس فریم ورک کے تحت جاری مصروفیات کو مزید متحرک کرےگا۔
