’مارشل آرٹ جانتا ہوں، کوثر کاظمی ایک مُکّے سے گر جاتے‘ پی ٹی آئی وکیل اظہر صدیق کی ویڈیو وائرل

چند روز قبل نجی ٹی وی کے پروگرام میں ترجمان وزیراعلیٰ پنجاب کوثر کاظمی اور پی ٹی آئی کے وکیل اظہر صدیق کے درمیان ہاتھاپائی کی ویڈیو سوشل میڈیا پر وائرل ہوئی تھی جس میں کوثر کاظمی اور اظہر صدیق کے درمیان پہلے تلخ کلامی ہوئی پھر بات ہاتھا پائی تک جا پہنچی اور کوثر کاظمی نے اظہر صدیق پر تھپڑوں کی بارش کر دی۔

کوثر کاظمی نے اس پر تبصرہ کرتے ہوئے کہا تھا کہ جو ہوا نہیں ہونا چاہیے تھا لیکن اظہر صدیق چیخ کر اونچا بولنے کے چکر میں الفاظ کا مناسب چناؤ بھول جاتے ہیں۔ تحریک انتشار اب اپنا قبلہ درست کر لے کیونکہ ہم اپنی اور اپنی قیادت کی توہین بالکل برداشت نہیں کریں گے۔

یہ بھی پڑھیں: ‏ترجمان پنجاب حکومت کا پی ٹی آئی وکیل اظہر صدیق کو تھپڑ، سوشل میڈیا پر بھی لڑائی شروع

اس واقعہ پر اظہر صدیق نے صحافی کو انٹرویو دیتے ہوئے کہا کہ وہ مارشل آرٹ جانتے ہیں ایک مُکّا مارتے تو کوثر کاظمی نے نیچے گر جانا تھا ۔ پھر سب نے کہنا تھا کہ سینئر وکیل نے سرِ عام تشدد کیا۔ انہوں نے کہا کہ ہم پر الزام لگایا جا رہا تھا کہ تحریک انصاف انتشاری ٹولہ ہے لیکن انہوں نے ثابت کیا کہ ایسا کچھ نہیں ہے۔

اظہر صدیق کی ویڈیو سوشل میڈیا پر وائرل ہو گئی جس پر صارفین کی جانب سے مختلف تبصرے کیے جا رہے ہیں۔ افی نامی صارف نے اظہر صدیق کی تعریف کرتے ہوئے کہا کہ انہوں نے سب کے دل جیت لیے ہیں۔

Sir aap ne dil jeet liya @AzharSiddique pic.twitter.com/6iGTV3pTLr

— iffi (@iffiViews) September 11, 2024

احسن مسعود نے کوثر کاظمی کو مخاطب کرتے ہوئے مزاحیہ انداز میں لکھا کہ آپ بچ گئے ہیں کیونکہ اظہر صدیق مارشل آرٹ جانتے ہیں۔

کوثر صاحب آپ بچ گئے 😂@SyedKousarKazmi

— Ahsan Masood (@im_amasood) September 11, 2024

ایک صارف نے اظہر صدیق سے درخواست کی کہ مارشل آرٹ کرتے ہوئے اپنی ایک ویڈیو ریلیز کر دیں۔

Azhar Siddique shaib say bolain koi apni martial arts kartay hua video to release karain!😀

— Naveed Jawed Savul (@NaveedSavul) September 11, 2024

عمران احمد نے لکھا کہ وکیل اظہر صدیق کے اس اقدام سے انتشار کا سارا الزام مسلم لیگ ن پر آ گیا اور پی ٹی آئی سے یہ الزام ہٹ گیا کہ وہ انتشاری جماعت ہے۔