پشاور کے باچا خان انٹرنیشنل ایئرپورٹ پرہنگامی انخلا اور آگ بجھانے کی مشق۔
ترجمان سی اے اے کے مطابق پشاور کے باچا خان انٹرنیشنل ایئرپورٹ پر ہنگامی انخلاء اور آگ بجھانے کی مشق کی گئی۔ مشق دفاتر، انتظامی بلاک، ٹرمینل بلڈنگ لیول 1، 2 اور 3 میں کی گئی۔
یہ بھی پڑھیں:لاہور ، ملتان اور پشاور ایئرپورٹ پر شدید دھند کے باعث پروازوں کا شیڈول بری طرح متاثر
ترجمان کے مطابق فائر الارم کے ساتھ ہی فائر وارڈنز نے مکینوں کو طے شدہ اسمبلی ایریا میں اکھٹا کیا، ڈومیسٹک فائر ٹینڈرز (DFT) اور پاکستان ایئرپورٹ اتھارٹی (PAA) کے فائر اسٹیشن اسٹرائیکر نے کارروائی کی۔
ترجمان سی اے اے کے مطابق پشاور ایئرپورٹ ہنگامی انخلا مشق میں ریسکیو 1122 کی فائر وہیکل نے بھی حصہ لیا، مشق کے دوران پی اے اے کی ایک ایمبولینس، اور ریسکیو 1122 کی ایمبولینس بھی ٹرمینل بلڈنگ پہنچیں۔
ترجمان کے مطابق پشاور ائیرپورٹ کے تمام سطحوں کا انخلاء کامیابی کے ساتھ تین منٹ کے مقررہ ٹائم فریم میں مکمل ہوا، مشق کے دوران PAA اور ریسکیو 1122 کی ٹیموں کی جانب سے تمام ایریاز میں ایک مکمل سرچ اینڈ ریسکیو آپریشن کیا گیا۔
پشاور ایئرپورٹ پر مشق کا اختتام اسمبلی ایریا میں ہیڈ کاؤنٹ اور انخلا کرنے والوں کی بریفنگ کے ساتھ ہوا، اس موقع پر ڈپٹی ایئرپورٹ منیجر، چیف فنانشل اینڈ رسک آفیسر، پی آئی اے اسٹیشن منیجر کے علاوہ سی اے اے، پی آئی اے، اے ایس ایف اور مختلف ایئر لائنز کے حکام نے بھی پشاور ائیرپورٹ ہنگامی انخلاء مشق میں حصہ لیا۔