عالمی شہرت یافتہ فٹبالر کرسٹیانو رونالڈو نے ایک اہم سنگ میل عبور کرتے ہوئے ایک اور منفرد ریکارڈ اپنے نام کرلیا ہے۔
فٹبال کی دنیا کے اس مایہ ناز اور عظیم کھلاڑی کے سوشل میڈیا پلٹ فارمز پر فالورز کی تعداد ایک ارب سے تجاوز کرگئی ہے۔ کرسٹیانو رونالڈو ایک ارب سے زائد فالوورز رکھنے والے دنیا کے پہلے کھلاڑی بن گئے ہیں۔
یہ بھی پڑھیں: رونالڈو کا یوٹیوب چینل ’UR · Cristiano‘ گنیز ورلڈ ریکارڈ میں شامل
سعودی فٹبال کلب سے منسلک النصر 39 سالہ پرتگالی اسٹار کھلاڑی کرسٹیانو رونالڈو نے گزشتہ روز اپنے اس نئے قائم ہونے والے ریکارڈ کے بارے میں اپنے فالورز کو سوشل میڈیا پر ایک پوسٹ کے ذریعے آگاہ کیا۔ اس پوسٹ میں انہوں نے اپنے فالورز کا شکریہ ادا کیا۔
رونالڈو نے کہا، ’ ہم سب نے مل کر یہ تاریخی کامیابی حاصل کی، ایک ارب صرف ایک ہندسہ ہے، حقیقت میں یہ اس کھیل (فٹبال) کے لیے ہمارے مشترکہ جوش و جذبے اور محبت کا اظہار ہے، مڈیرا کی گلیوں سے لے کر دنیا کے بڑے بڑے میدانوں تک میں نے ہمیشہ اپنی فیملی اور آپ (مداحوں) کے لیے کھیلا اور اب ایک ارب کی تعداد میں ہم سب مل کر ایک ساتھ کھڑے ہیں۔‘
We’ve made history — 1 BILLION followers! This is more than just a number – it’s a testament to our shared passion, drive, and love for the game and beyond.
From the streets of Madeira to the biggest stages in the world, I’ve always played for my family and for you, and now 1… pic.twitter.com/kZKo803rJo
— Cristiano Ronaldo (@Cristiano) September 12, 2024
رونالڈو نے کہا، ’آپ سب نے ہمیشہ ہر اچھے اور برے وقت میں میرا ساتھ دیا، یہ ہمارا مشترکہ سفر ہے اور ہم نے مل کر یہ ثابت کردیا ہے کہ کامیابی پانے کی کوئی حد نہیں ہوتی‘۔ انہوں نے اپنے مداحوں کا شکریہ ادا کرتے ہوئے کہا کہ ابھی اور بھی بہترین کامیابیاں آنی ہیں جس کے لیے ہم محنت کرتے اور کامیابیاں سمیٹتے رہیں گے اور مل کر تاریخ رقم کریں گے۔
یہ بھی پڑھیں: عالمی شہرت یافتہ فٹبالر کرسٹیانو رونالڈو نے نیا ریکارڈ بنا ڈالا
یاد رہے کہ گزشتہ ماہ کرسٹیانو رونالڈو نے دنیا کے سب سے بڑے ویڈیو شیئرنگ پلیٹ فارم یوٹیوب پر انٹری دیتے ہی 2 نئے عالمی ریکارڈز اپنے نام کیے تھے جس میں یوٹیوب پر کم وقت میں 10 لاکھ سبسکرائبرز اور ایک دن کے اندر 10 ملین سبسکرائبرز حاصل کرنے کا اعزاز شامل ہے۔ کرسٹیانو رونالڈو کے یوٹیوب چینل ’یور کرسٹیانو‘ نے گزشتہ ماہ کے آخر میں عالمی ریکارڈ بُک ’گینیز ورلڈ ریکارڈ‘ میں بھی نام درج کرا لیا تھا۔
اس سے قبل یہ ریکارڈ رونالڈو کو انسٹا گرام سے زیادہ فالوورز کے ساتھ گنیز ورلڈ ریکارڈ میں اپنا نام لکھوا چکے ہیں، نومبر 2022 میں وہ اس پلیٹ فارم پر 500 ملین فالوورز تک پہنچنے والے پہلے شخص کے طور پر سامنے آئے تھے۔
