ایشین ہاکی چیمپیئنز ٹرافی: بھارت نے پاکستان کو ہرا دیا

ایشین ہاکی چیمپیئنز ٹرافی بھارت نے پاکستان کو 1-2 سے ہرا دیا، بھارت کی جانب سے دونوں گول ہرمن پریت سنگھ نے کیے جبکہ پاکستان کی جانب سے احمد ندیم نے ایک گول کیا۔

ایشین ہاکی چیمپیئنز ٹرافی میں آج پاکستان اور بھارت کی ٹیمیں آمنے سامنے ہوئیں، ٹورنامنٹ فیورٹ ٹیم بھارت اس وقت 5میچ جیت کر ناقابل شکست ہے، جبکہ پاکستان کو ایک میچ میں شکست ہوئی ہے۔

مزید پڑھیں: ایشین ہاکی چیمپیئنز ٹرافی، پاکستان سیمی فائنل میں پہنچ گیا

ایشین ہاکی چیمپیئنز ٹرافی میں بھارت 5میچز جیت کر پوائنٹس ٹیبل پر 15پوائنٹس کے ساتھ ٹاپ پر ہے، جبکہ پاکستان ایک میچ میں شکست ہوئی، 2 میچ جیتے اور 2 میچ برابر ہونے کے بعد 8 پوائنٹ کے ساتھ دوسرے نمبر پر موجود ہے۔ دونوں ٹیمیں پہلے ہی سیمی فائنل کے لیے کوالیفائی کرچکی ہیں۔

ایشین ہاکی چیمپیئنز ٹرافی میں بھارتی ٹیم نے 5 میچز میں 21 گول کیے اور اس کے خلاف مخالف ٹیمیں 5میچوں میں صرف 4 گول کر پائی ہیں۔ دوسری جانب ایونٹ میں پاکستان ٹیم نے 5میچز میں 12گول کیے اور پاکستان کے خلاف مخالفین 7 گول کرپائے۔

پاکستانی وقت کے مطابق میچ دوپہر پونے ایک بجے شروع ہوا، ایونٹ کے راؤنڈ میچز آج مکمل ہوجائیں گے اور دیگر 2سیمی فائنلسٹ ٹیموں کا بھی فیصلہ ہو جائے گا۔

یہ بھی پڑھیں: ایشین ہاکی چیمپئنز ٹرافی: پاکستانی ٹیم فتح بھول گئی، جنوبی کوریا کے ساتھ بھی میچ برابر

ایشین ہاکی چیمپیئنز ٹرافی میں سیمی فائنلز 17 ستمبر کو کھیلے جائیں گے۔ دیکھنا یہ ہے کہ پاکستان کا میچ کس ٹیم کے ساتھ ہوگا۔