پاکستان اور انڈونیشیا کی مسلح افواج کے درمیان مشترکہ فوجی تربیتی مشق اختتام پذیر ہوگئی۔
پاک فوج کے شعبہ تعلقات عامہ (آئی ایس پی آر) کے مطابق ایلانگ اسٹرائیک ٹو مشترکہ جنگی مشقیں انسداد دہشتگردی مرکز پبی میں منعقد ہوئیں۔
یہ بھی پڑھیں انسداد دہشت گردی سے متعلق پہلی پاک امریکا فوجی مشقوں کا اختتام
آئی ایس پی آر نے بتایا کہ دونوں ممالک کی افواج کے درمیان انسداد دہشتگردی کے شعبے کی یہ دوسری مشق ہے، جس کا آغاز 8 ستمبر کو ہوا تھا۔
آئی ایس پی آر کے مطابق فوجی اہلکاروں نے مشق کے دوران پیشہ ورانہ مہارتوں کا مظاہرہ کیا۔ اس مشق کا مقصد دونوں افواج کے تجربے اور تربیتی طریقہ کار کا اشتراک تھا۔
یہ بھی پڑھیں پاکستان اور بحرین کی مشترکہ فوجی مشقوں البدر 8 کا افتتاح
آئی ایس پی آر نے بتایا کہ اختتامی تقریب کے مہمان خصوصی جنرل آفیسر کمانڈنگ 17 ڈویژن تھے۔ جبکہ انڈونیشیا کے دفاعی اتاشی کرنل بوڈی ویرمین نے بھی اختتامی تقریب میں شرکت کی۔
