وزیراعظم پاکستان شہباز شریف اور چیئرمین پیپلز پارٹی بلاول بھٹو نے مولانا فضل الرحمان کے تحفظات دور کرنے پر اتفاق کرلیا۔
چیئرمین پیپلزپارٹی بلاول بھٹو نے مولانا فضل الرحمان سے ملاقات کے بعد وزیراعظم شہباز شریف سے ملاقات کی ہے، جس میں ملک کی سیاسی صورت حال پر گفت و شنید کی گئی۔
یہ بھی پڑھیں آئینی ترمیم کے لیے مولانا فضل الرحمان کی حمایت نہیں ملی، خواجہ آصف
میڈیا رپورٹس کے مطابق ملاقات میں وزیراعظم شہباز شریف اور بلاول بھٹو نے مجوزہ آئینی ترمیم پر تبادلہ خیال کیا۔
وزیراعظم اور چیئرمین پی پی پی نے مولانا فضل الرحمان کی تجاویز کا جائزہ لیا اور ان کے تحفظات دور کرنے پر اتفاق کیا گیا۔
واضح رہے کہ چیئرمین پی پی پی بلاول بھٹو نے 48 گھنٹوں میں مولانا فضل الرحمان سے دوسری ملاقات کی اور آئینی ترامیم پر تبادلہ خیال کیا۔
ملاقات کے بعد میڈیا سے گفتگو کرتے ہوئے سید خورشید شاہ نے کہاکہ مجوزہ آئینی ترمیم کے معاملے پر مولانا فضل الرحمان کے ساتھ ہمارا اتفاق ہوگا تو حکومت کو بتائیں گے۔
یہ بھی پڑھیں میرے پاس آج قوم کے لیے خوشخبری ہے، مولانا فضل الرحمان
یاد رہے کہ آئینی ترمیم کے لیے حکمراں اتحاد کے نمبر پورے نہ ہونے کے باعث گزشتہ رات قومی اسمبلی اور سینیٹ کے اجلاس ملتوی کردیے گئے تھے۔ اور اب یہ دعویٰ کیا جارہا ہے کہ 10 روز کے بعد آئینی ترمیم منظور کرائی جائے گی۔
