یروشلم پوسٹ نے اسرائیل کے اخبار ٹائمز آف اسرائیل کے دعوؤں کی تصدیق کر دی۔ انکشاف کیا ہے کہ پی ٹی آئی کے بانی رہنما عمران خان اسرائیل کے حامی جبکہ فوج کے مخالف ہیں۔
یروشلم پوسٹ نے اپنے تازہ مضمون میں کہا ہے کہ سابق وزیر اعظم عمران خان نے اسرائیل کے خلاف عوامی سطح پر سخت سیاسی بیان بازی کی لیکن اندر کھاتے اسرائیل کے ساتھ تعلقات معمول پر لانے کی خواہش کا اظہار کیا۔ عمران خان اسرائیل کے لیے ہم خیال سیاست دان ہیں۔
Opinion | On the anniversary of the Abraham Accords, what’s next for normalization between Israel and the Muslim world?https://t.co/fnZ9ptH3J3
— The Jerusalem Post (@Jerusalem_Post) September 15, 2024
مزید پڑھیں:عمران خان اسرائیلی برانڈ، پی ٹی آئی کو جلسوں کے بجائے ڈوب مرنا چاہیے، رانا ثنااللہ
مضمون میں کہا گیا ہے کہ عمران خان کی حالیہ انتخابات میں خاطر خواہ کامیابی پاکستان اسرائیل تعلقات کا از سر نو جائزہ لینے کا موقع فراہم کرتی ہے۔ پاکستان کی اسرائیل دوست خارجہ پالیسی کے اسٹریٹجک فوائد ہیں لیکن پاکستان کی فوجی اسٹیبلشمنٹ کی طرف سے مضبوط مزاحمت کا سامنا ہے۔
یروشلم پوسٹ نے دعویٰ کیا ہے کہ فوجی اسٹیبلشمنٹ نے طویل عرصے سے اسرائیل کے ساتھ تعلقات کو معمول پر آنے سے روکا ہوا ہے۔ مسئلے کے حل کے لیے موجودہ سیاسی قیادت کو بدلنا ہوگا اور ایسے میں عمران خان کا کردار کلیدی ہوگا۔ عمران خان جیسی شخصیت عوامی رائے اور فوجی پالیسی دونوں کو تبدیل کرنے میں مرکزی کردار ادا کرسکتی ہیں۔
مضمون میں کہا گیا ہے کہ ڈونلڈ ٹرمپ کی وائٹ ہاؤس میں واپسی پاکستان اسرائیل کے تعلقات کے عمل کو تیز کرسکتی ہے۔ ٹرمپ انتظامیہ سفارتی اور معاشی فوائد کے ذریعے پاکستان جیسے ممالک کی حوصلہ افزائی کرسکتی ہے۔ عمران خان کے بڑھتے اثر و رسوخ اور اقتصادی بحران کے تناظر میں دیکھنا ہوگا کہ پاکستان کس حد تک اسرائیل کے خلاف اپنی روایتی دشمنی کو بدل سکتا ہے۔
مزید پڑھیں:جنرل باجوہ نے عمران خان سے اسرائیل کو تسلیم کرنے کا کہا تھا، علی امین گنڈاپور
یروشلم پوسٹ نے مزید لکھا کہ اسرائیل کو تسلیم کرنے سے پاکستان کو اہم اقتصادی فوائد، بشمول زراعت، سائبر سیکیورٹی، دفاع اور ممکنہ مالی سرمایہ کاری حاصل ہوں گے۔ عمران خان اسرائیل کے حمایتی جبکہ اسٹیبلشمنٹ اور سیاسی قیادت کے مخالف ہیں۔
یروشلم پوسٹ کے دعوے آنکھیں کھول دینے والے ہیں، مریم اورنگزیب
اسرائیلی اخبار میں چھپنے والے مضمون پر ردعمل دیتے ہوئے پنجاب کی سینئر وزیر مریم اورنگزیب نے کہا ہے کہ یروشلم پوسٹ نے عمران خان کو ہم خیال شخص قرار دیا، عمران خان اسرائیل سے معمول کے تعلقات چاہتے تھے۔
Eye opening stuff. This exposes duplicity and contradictions of @ImranKhanPTI @Jerusalem_Post calls Imran Khan a “like minded” leader who wanted normalisation of relations with Israel
And look at the narratives he made! https://t.co/fGOzZVGbZ6
— Marriyum Aurangzeb (@Marriyum_A) September 22, 2024
مریم اورنگزیب کا کہنا تھا کہ یروشلم پوسٹ کے دعوے آنکھیں کھول دینے والے ہیں کیونکہ اس کے مضمون نے عمران خان کا دوغلاپن اور تضادات کا پہلو بے نقاب کردیا ہے۔
