ایک ایسے وقت میں جب دنیا بھر بالخصوص تیسری دنیا میں سافٹ ویئرز کی پائریسی کا رجحان فروغ پذیر ہے، مائیکرو سافٹ کی جانب سے ایک شاندار آفر متعارف کروائی گئی ہے، اس آفر کے مطابق Microsoft Office 365 کے لائسنس کی ایک بار خریدی پر لائف ٹائم سروس فراہم کی جائے گی۔
کسی بھی رکنیت کے جھنجھٹ سے پاک اس آفر کے مطابق Microsoft Office 365 کو ونڈوز، میک او ایس، اینڈرائیڈ، آئی او ایس، آئی پیڈ او ایس، ٹیبلیٹس سمیت تمام معاون پلیٹ فارمز کی حامل زیادہ سے زیادہ 5 ڈیوائسز پر استعمال کیا جاسکتا ہے۔
آپ اپنی ان تمام 5 ڈیوائسز پر جتنی بار چاہیں اس کو انسٹال اور ایکٹیویٹ کر سکتے ہیں۔ یہ ایکٹیویشن مستقل اور لائف ٹائم ہے۔
صرف29 امریکی ڈالر میں دستیاب اس آفر کے مطابق آپ اسے جب چاہیں دوبارہ انسٹال یا کسی دوسری ڈیوائس پر منتقل کر سکتے ہیں۔ اس میں کلاؤڈ اسٹوریج شامل نہیں ہے۔ نیز فراہم کردہ ’لاگ ان نیم‘ کو کسی ذاتی اکاؤنٹ کے ساتھ تبدیل یا منسلک نہیں جا سکتا۔
واضح رہے کہ Microsoft Office 365 میں Word، Excel، PowerPoint، OneNote، Outlook، Access، اور Publisher شامل ہیں۔ یہ سافٹ ویئر کثیر لسانی ہے، آپ انسٹالیشن کے دوران اپنی مرضی کی زبان کا انتخاب بھی کر سکتے ہیں۔
