کرک کو گیس کی مسلسل فراہمی اور رائلٹی کی مد میں 7 ارب روپے کی ادائیگی کا مطالبہ کرتے ہوئے وزیر زراعت خیبرپختونخوا میجر (ر) سجاد بارکوال نے قومی تحریک چلانے کا اعلان کیا ہے۔
یہ بھی پڑھیں: خیبرپختونخوا میں سالانہ کتنے ارب روپے کی گیس چوری ہوتی ہے؟
میڈیا سے گفتگو کرتے ہوئے صوبائی وزیر زراعت سجاد بارکوال نے کرک میں گیس اور تیل کے ذخائر پر مقامی آبادی کے حق کو تسلیم نہ کیے جانے کیخلاف قومی تحریک کے آغاز سمیت اس ضمن میں آل پارٹیز کانفرنس کے انعقاد کا بھی اعلان کیا ہے۔
کرک کو بلا تعطل گیس فراہمی اور رائلٹی کے 7 ارب روپے ادائیگی کیلئے صوبائی وزیر زراعت سجاد بارکوال کا قومی تحریک چلانے کا اعلان pic.twitter.com/iEnHhbsgoh
— Muhammad Faheem (@MeFaheem) September 23, 2024
صوبائی وزیر زراعت نے بتایا کہ وزیراعلیٰ خیبر پختونخوا علی امین گنڈاپور نے رائلٹی کی مد میں وفاق کے ذمہ 7 ارب روپے کی ادائیگی میں کردار ادا کرنے اور وفاق کے ساتھ مذکورہ معاملہ اٹھائیں گے، ان کا کہنا تھا کہ عوام کے پیسوں کی حفاظت کریں گے اور کسی کو ڈاکا نہیں ڈالنے دیں گے۔
مزید پڑھیں: گیس چوری کے خلاف آپریشن شروع، 270 کنکشنز منقطع کر دیے ہیں، اظہر رشید شیخ
میجر ریٹائرڈ سجاد بارکوال کا کہنا تھا کہ مقامی آبادی کے حقوق پر کوئی سودے بازی نہیں چلے گی، اگر دوسرے شہروں میں 24 گھنٹے گیس ہوتی ہے تو جہاں گیس پیدا ہوتی ہے وہاں گیس کیوں نہیں ہے۔ ’جس منصوبے کے تحت پورے کرک ضلع کو گیس کی فراہمی ممکن بنانی تھی اس کا حساب چاہیے، گیس پراجیکٹس میں مقامی لوگوں کو روزگار بھی دیا جائے.
سجاد بارکوال نے بتایا کہ کرک کے حقوق کے لیے تمام سیاسی جماعتیں مشترکہ جدو جہد کریں گی اور اس ضمن میں انہوں نے تمام جماعتوں کو ایک آل پارٹیز کانفرنس کے تحت جمع کرنے کی کوشش کریں گے۔