حماد اظہر سے شادی کی خبروں پر شفا یوسفزئی نے خاموشی توڑ دی

اینکر پرسن شفا یوسفزئی نے آخر خاموشی توڑ دی اور اپنے خلاف پھیلنے والی شادی کی خبروں کی تردید کردی، انہوں نے کہا کہ پیارے دوستو میں نے کسی سے شادی نہیں کی، سوشل میڈیا پر خواہ مخواہ مجھے نشانہ بنایا جا رہا ہے۔

اینکرپرسن و مارننگ شو ہوسٹ شفایوسفزئی نے سوشل میڈیا پلیٹ فارم ایکس پر پوسٹ کرتے ہوئے لکھا کہ میرے حوالے سے چلنے والی خبریں جھوٹی ہیں، میری ابھی تک کوئی شادی نہیں ہوئی ہے، سوشل میڈیا پر فضول بحث چل رہی ہے۔

Dear All, Let it be clear, I have not married anyone! However the social media campaign, targeting me, reminds me, like it should remind, all working women, that how vulnerable a woman is in male dominated Pakistan always explaining her existence! (Btw this isn’t the first time I…

— Shiffa Z. Yousafzai (@Shiffa_ZY) September 26, 2024

انہوں نے کہا کہ مرد کے زیر تسلط چلنے والے معاشرے میں عورت کتنی کمزور ہے کہ اس کو ہمیشہ اپنے وجود کی وضاحت کرنی پڑتی ہے، خاص طور پر جو خواتین روزگار کمانے نکلتی ہیں۔

شفا یوسفزئی نے لکھا کہ یہ پہلا موقع نہیں ہے جب ان کو اس طرح نشانہ بنایا گیا ہو، اس سے پہلے بھی کہیں نہ کہیں ان کو اس طرح کی صورتحال سے گزرنا پڑا ہے۔ مزید لکھا کہ تمام سوشل میڈیا سائٹس سے درخواست کروں گی کہ وہ اس کو حذف کردیں۔

’تمام مہذب مردوں اور عورتوں سے درخواست کرتی ہوں کہ اس فضول کیمپیئن کا حصہ نہ بنیں۔ اس کے علاوہ ان تمام لوگوں کا بھی بہت شکریہ جنہوں نے تعاون کیا‘۔

واضح رہے گزشتہ روز سوشل میڈیا پر ایک صحافی کے دعوے کے بعد یہ خبر وائرل تھی کہ پی ٹی آئی لاہور کے سیاست دان حماد اظہر نے دوسری شادی کرلی ہے، اور وہ کوئی خاتون اینکرپرسن ہیں۔

اس خبر کے بعد سوشل میڈیا صارفین نے تبصرے کرنا شروع کردیے اور خاتون اینکر پرسن کو شفا یوسفزئی سے جوڑنا شروع کردیا، جس پر حماد اظہر نے بھی خاموشی توڑتے ہوئے ریپلائے کیا تھا کہ ایسی کوئی بات نہیں ہے جب بھی ایسا کچھ ہوا تو پیشگی اطلاع دوں گا۔

خیال رہے صحافی نجم الحسن باجوہ نے لکھا تھا کہ لاہور سے تعلق رکھنے والے تحریک انصاف کے ایک ہینڈسم اعلیٰ عہدے دار نے حال ہی میں ایک صحافی خاتون سے دوسری شادی کرلی ہے، دونوں کو مبارک ہو، جس پر صارفین نے کہا کہ ہینڈسم تو حماد اظہر ہی ہیں۔

جواب میں حماد اظہر نے بھی مزاخیہ انداز اپناتے ہوئے لکھا کہ نیچے تو میرا نام چل رہا ہے، سب دوستوں کا مجھے ہینڈسم تصور کرنے کا شکریہ لیکن اگر کبھی ایسی بات ہوئی تو آپ سب کو بروقت اطلاع دے دوں گا۔