معروف اداکارہ جویریہ عباسی نے دوسری شادی کا اشارہ دے دیا، اپنے سوشل میڈیا اکاؤنٹ پر انہوں نے ایک ویڈیو شیئر کی جس میں انہوں نے کسی مرد کا ہاتھ پکڑا ہوا ہے اور انگوٹھی بھی پہن رکھی ہے۔
اداکارہ نے اپنی پوسٹ کے کیپشن میں لکھا ’شروعات‘، اور ساتھ ہی نیلے رنگ کا دل والا ایموجی بھی شیئر کیا۔ اس پوسٹ پر جویریہ عباسی کو دوسری شادی کی خوشخبری سُنانے پر مبارکباد دی جارہی ہے۔
View this post on Instagram
جویریہ عباسی کی پوسٹ منظر عام پر آتے ہی ان کی بہن انوشے عباسی، بیٹی عنزیلہ عباسی سمیت دیگر ساتھی فنکاروں اور مداحوں کی جانب سے منگنی کی خوشی میں مبارکباد دینے کا سلسلہ شروع ہوگیا۔
واضح رہے کہ جویریہ عباسی کی پہلی شادی 1997 میں اداکار شمعون عباسی سے ہوئی تھی، ان کی ایک بیٹی عنزیلہ عباسی ہے جس کی شادی انہوں نے گزشتہ برس کی تھی جس میں شمعون عباسی نے شرکت نہیں کی تھی۔
اداکار سے سوالات بھی کیے کہ وہ اپنی بیٹی کی شادی میں شریک کیوں نہیں ہوئے؟ جس پر اداکار نے ایک متنازع پوسٹ شیئر کی جس سے متعلق قیاس آرائیاں کی گئیں کہ یہ پوسٹ شمعون عباسی نے اپنی بیٹی اور سابقہ اہلیہ کے لیے کی ہے۔
شمعون عباسی نے بغیر کسی کا نام لیے لکھا کہ چند بے شرم لوگوں سے اپنے تعلقات توڑنے کی یاد دہانی کروا رہا ہوں، میں نہ کبھی ایسے بے حیا اور بے شرم لوگوں سے کوئی تعلق رکھنا چاہتا تھا اور نہ ہی کبھی ایسا کروں گا۔
اداکار نے مزید لکھا تھا کہ مجھے فرق نہیں پڑتا کہ میرا ان سے کیا تعلق ہے مگر میری مرضی ایسے افراد سے دوری اختیار کرنے میں ہی ہے، کچھ باطنی زخم آپ کی روح کو تکلیف پہنچانے سے بچا لیتے ہیں۔
واضح رہے کہ اداکارہ جویریہ عباسی اور شمعون عباسی کی شادی کے 12 برس بعد 2009 میں ان دونوں کی طلاق ہوگئی تھی۔
