پاکستانی شوبز انڈسٹری کی خوبرو اداکارہ حبا بخاری ان دنوں ’ہم اسٹائل ایوارڈز‘ کے لیے لندن میں موجود ہیں، جہاں پر بنائی گئی ان کی ایک ویڈیو خوب وائرل ہورہی ہے جس پر صارفین کی جانب سے مختلف تبصرے بھی کیے جا رہے ہیں۔
’ہم اسٹائل ایوارڈز‘ کے دوران حبا بخاری کی بنائی گئی اس مختصر ویڈیو میں انہیں واضح طور پر حمل سے دیکھا جا سکتا ہے، جس پر صارفین کی جانب سے مختلف تبصرے بھی کیے جا رہے ہیں۔
یہ بھی پڑھیں: حبا بخاری نے حاملہ ہونے کے بارے میں جھوٹ بولنے کی وجہ بتا دی
ایک صارف نے حبا بخاری کی ویڈیو شیئر کرتے ہوئے لکھا کہ ایسی بھی کیا مجبوری تھی، یا بالی ووڈ کی نقل کرتے ہوئے اپنی روایات کو بھول گئے ہیں۔
ایسی بھی کیا مجبوری تھی؟
What was the compulsion now? Or did they forget their traditions by imitating Bollywood? pic.twitter.com/S0pySw3QkJ— کیڑےمکوڑے (@Form_45) September 29, 2024
عصمت حامد نے طنزاً لکھا کہ کوا چلا ہنس کی چال اور اپنی بھی بھول گیا ساتھ ہی ان کا کہنا تھا کہ بالی ووڈ کی نقالی پاکستانی اداکاراؤں کو کہیں کا نہیں چھوڑے گی۔
کوا چلا ہنس کی چال اور اپنی بھی بھول گیا!😊
ان کو بالی ووڈ کی نقالی نے کہیں کا نہی چھوڑنا! https://t.co/Lc6WazEZrD— Ash (@AsmatHamid) September 29, 2024
جہاں کئی صارفین ان پر تنقید کرتے نظر آئے وہیں ایک صارف نے لکھا کہ حبا بخاری اپنی اقدار اور خواہشات کے مطابق جس چیز کا بھی انتخاب کرتی ہیں وہ اسے منتخب کرنے کے لیے آزاد ہیں۔
It is so simple. She is free to choose whatever aligns with her values and desires. https://t.co/2fuAq9Uo01
— Raja Akhlaq Janjua (@IamRajaAkhlaq) September 29, 2024
حال ہی میں اداکارہ حبا بخاری اور ان کے شوہر آریز احمد نے اپنے یوٹیوب چینل پر لائیو سیشن کیا جس میں گفتگو کرتے ہوئے اداکار جوڑے نے اپنے ہاں ننھے مہمان کی متوقع آمد بارے مداحوں کو آگاہ کیا۔
حبا بخاری نے اپنے مداحوں سے کہا کہ ’میرے پرستار میرے لیے بہت قیمتی ہیں، ہاں میں حاملہ ہوں اور میں اور آریز جلد ہی والدین بننے والے ہیں‘۔
حمل کی خبروں کو چھپانے کی وجہ بتاتے ہوئے اداکارہ کا کہنا تھا کہ وہ شوٹنگز میں مصروف تھیں اور انہیں اپنے کیے ہوئے وعدوں کو پورا کرنا تھا، انہوں نے مزید کہا کہ وہ دن گئے جب لوگ حمل کے دوران گھر میں رہتے تھے، اب آپ کو حمل کے دنوں میں کام کرنا چاہیے، اگر آپ اسے آسانی سے سنبھال سکتے ہیں۔
یہ بھی پڑھیں: حبا بخاری سے متعلق خبر نشر کرنے پر نادیہ خان تنقید کی زد میں کیوں؟
حبا کا مزید کہنا تھا کہ وہ یہ خبر ایک ویڈیو کے ذریعے اپنے مداحوں کو دینا چاہتی تھیں لیکن یہ پہلے ہی سب کے سامنے آچکی ہے اور آپ لوگ اس کے بارے میں جانتے ہیں، خبر سامنے آنے کے بعد جس طرح مداحوں اور سب نے ہمارا ساتھ دیا اس پر وہ خوش ہیں۔
خیال رہے کہ اداکارہ و میزبان نادیہ خان نے رواں ماہ کے آغاز میں بتایا تھا کہ حبا بخاری حمل سے ہیں اور انہیں یہ بات اداکارہ کے شوہر نے خود بتائی تھی۔
اب لندن سے ان کی وائرل ویڈیوز میں انہیں ’بے بی بمپ‘ کے ساتھ دیکھا جا سکتا ہے، تاہم اپنے بچے کی متوقع پیدائش پر اداکارہ نے کوئی وضاحت نہیں کی۔
واضح رہے کہ حبا بخاری نے آریز احمد سے جنوری 2022 میں شادی کی تھی۔
