پاکستانی شوبز انڈسٹری کی معروف میزبان و اداکارہ نادیہ خان نے اداکارہ حبا بخاری کے حاملہ ہونے کا انکشاف کردیا۔
نادیہ خان ان دنوں نجی ٹی وی چینل کے شو ’کیا ڈرامہ ہے‘ میں بطورِ تجزیہ نگار اپنے فرائض سرانجام دے رہی ہیں جہاں وہ مختلف پاکستانی ڈراموں پر اپنا تجزیہ پیش کرتی ہیں۔ شو کی حالیہ قسط میں جہاں نادیہ خان نے حبا بخاری اور دانش تیمور کے ڈرامہ سیریل ’جان نثار‘ کے بارے میں اپنا تجزیہ پیش کیا وہیں اداکارہ حبا بخاری سے متعلق اہم انکشاف بھی کیا۔
نادیہ خان نے انکشاف کیا کہ اداکارہ حبا بخاری حاملہ ہیں اور اُن کے ہاں بہت جلد پہلے بچے کی آمد متوقع ہے۔ ان کا مزید کہنا تھا کہ ڈرامہ سیریل ’جان نثار‘ اور ’رد‘ کی شوٹنگ بھی دورانِ حمل کی ہے، ڈرامے کے کئی سین ایسے ہیں جس میں حبا بخاری کا بڑھتا ہوا وزن اور چہرے کی سوجن بھی واضح ہے۔
یہ بھی پڑھیں: حبا بخاری اور آریز کی رومانوی تصاویر نے مداحوں کے دل موہ لیے
نادیہ خان نے حبا بخاری اور اُن کے شوہر و اداکار آریز احمد کو مبارکباد بھی دی۔ واضح رہے کہ جوڑے کی جانب سے ابھی تک اس خبر کا اعلان نہیں کیا گیا۔ صارفین کی جانب سے نادیہ خان پر خوب تنقید کی گئی کہ آخر انہوں نے حبا بخاری اور آریز احمد کے والدین بننے کی خوشخبری کا اعلان کیوں کیا جب ان کی جانب سے اس طرح کا کوئی بھی بیان سامنے نہیں آیا، کئی صارفین نے نادیہ خان کو کہا کہ انہوں نے یہ اعلان کر کے حبا بخاری اور آریز احمد کے قیمتی لمحے کو برباد کر کے رکھ دیا ہے۔
ایک صارف نے لکھا کہ کیا یہ اس خبر کا اعلان حبا بخاری اور آریز احمد کی جانب سے کیا جانا چاہیے تھا۔ زینب نامی صارف نے لکھا کہ نادیہ خان کون ہوتی ہیں اس خبر کا اعلان کرنے والی، جبکہ کئی صارفین کا کہنا تھا کہ جب تک حبا اور آریز اعلان نہ کرتے نادیہ خان کو یہ بات اسکرین پر نہیں بتانی چاہیے تھی۔
واضح رہے کہ حبا بخاری نے سال 2022 میں ساتھی اداکار آریز احمد سے شادی کی تھی۔ دونوں کے درمیان شادی سے قبل کچھ عرصے تک تعلقات رہے تھے۔
