شہر قائد میں گٹروں کے ڈھکن عموماً غائب ہیں، کئی علاقوں میں گٹر کے ڈھکن نہ لگنے سے موٹرسائیکل سواروں کو حادثات پیش آچکے ہیں۔ کراچی کے کسی نہ کسی علاقے میں بچوں کے گٹر میں گرنے کا واقعہ رپورٹ ہوتا ہی رہتا ہے اور اب تک گٹر میں گرنے سے کئی قیمتیں جانیں ضائع بھی ہوچکی ہیں۔
یہ بھی پڑھیں: ’کراچی کو کس حال میں پہنچا دیا‘ گٹر میں گرنے والی خاتون کی ویڈیو وائرل
ایسا ہی ایک واقعہ کراچی کے علاقے کورنگی میں پیش آیا جہاں معصوم بچی کتابوں کے بیگ سمیت کھلے گٹر میں گر گئی جس کی ویڈیو سوشل میڈیا پر وائرل ہو گئی، وائرل ویڈیو میں دیکھا جا سکتا ہے کہ دیگر شہری بچی کو گٹر سے باہر نکال رہے ہیں۔
ویڈیو شیئر کرتے ہوئے صحافی فیض اللہ خان نے لکھا کہ یہ بچی بہت خوش نصیب ہے جو زندہ مل گئی ورنہ ان گٹروں نالوں میں نجانے کتنے بچے یوں بہے کہ آج تک نہ مل سکے۔
پھول میرے دیس کے غلاظت میں لتھڑے ملتے ہیں
کورنگی کراچی کی معصوم بچی جو کھلے گٹر میں کتابوں سمیت گری بہت خوش نصیب ہے یہ بچی جو زندہ مل گئی ورنہ ان گٹروں نالوں میں نجانے کتنے بچے یوں بہے کہ آج تلک نہ مل سکے pic.twitter.com/lMRS1xWwM1— Faizullah Khan فیض (@FaizullahSwati) October 1, 2024
ایک صارف نے سوال کیا کہ کراچی کے بچے آخر کب تک گٹر میں گر کر موت کے منہ میں جاتے رہیں گے۔
@BBhuttoZardari @MaryamNSharif @NaeemRehmanEngr @MuradAliShahPPP @murtazawahab1
کراچی کے بچے کب تک گٹر میں گر کر موت کے منہ میں جاتے رہیں گے https://t.co/xP31zCV04n— Sultan Qamar (@ArainQamarhyder) October 1, 2024
ایک ایکس صارف کا کہنا تھا کہ مقامی لوگ اس مسئلے پر خود قابو پانے کی کوشش کیوں نہیں کرتے، شہریوں کو بھی کچھ ذمہ داری کا مظاہرہ کرنا چاہیے۔
Why do local people dont make an effort to overcome this problem? Citizens need to shoe responsibility as well.
— Khalid Ejaz (@Khalidejaz) October 1, 2024
واضح رہے کہ بچوں کے گٹر میں گرنے کا یہ کوئی پہلا واقعہ نہیں ہے بلکہ اس سے قبل بھی ایسے متعدد واقعات پیش آ چکے ہیں اور کئی معصوم بچے اپنی جان سے ہاتھ دھو بیٹھے ہیں۔ جولائی 2024 میں کراچی کے علاقے ملیر میمن گوٹھ، غفوربستی میں 5 بچے کھیلتے ہوئے گٹر میں گر گئے تھے جن میں سے 2 جاں بحق ہوگئے جبکہ 3 بچوں کو زخمی حالت میں نکال کر اسپتال منتقل کیا گیا تھا۔
ایسا ہی ایک واقعہ مئی 2024 میں کراچی یوسی 119 مکہ مسجد کے سامنے پیش آیا جس میں بزرگ خاتون گٹر میں جا گریں جن کو خوش قسمتی سے علاقہ مکینوں نے بچا لیا۔ واقعہ کی ویڈیو سوشل میڈیا پر وائرل ہوئی تو صارفین کی جانب سے سندھ حکومت کو تنقید کا نشانہ بنایا جاتا رہا۔