سندھ حکومت نے تعلیم کے میدان میں بڑا منصوبہ لانے کا فیصلہ کرتے ہوئے بینظیر بھٹو یونیورسٹی کے قیام کا اعلان کردیا۔
حکومت کی جانب سے کراچی میں ہاکس بے کے مقام پر 200 ایکڑ پر بینظیر بھٹو یونیورسٹی کے قیام کا اعلان کیا گیا ہے۔
یہ بھی پڑھیں کراچی کا وہ اسکول جہاں بچے تعلیم کے ساتھ ساتھ پیسہ بھی کماتے ہیں
رپورٹ کے مطابق بینظیر ٹاؤن ہاکس بے کے مقام پر 200 ایکڑ زمین یونیورسٹی کے لیے لیز پر دے دی گئی ہے۔
بےنظیر بھٹو یونیورسٹی لیاری میں میڈیکل، زراعت سمیت دیگر شعبوں کی تعلیم دی جائے گی۔
دوسری جانب چیئرمین پیپلزپارٹی بلاول بھٹو کی ہدایت پر رکن سندھ اسمبلی یوسف بلوچ نے یونیورسٹی کے لیے لیز پر دی گئی زمین کا معائنہ کیا۔
اس موقع پر انہوں نے کہاکہ بےنظیر بھٹو یونیورسٹی لیاری والوں کے لیے بلاول بھٹو زرداری کا بڑا تحفہ ہے۔
یہ بھی پڑھیں قدیم ترین اعلیٰ تعلیمی ادارے کا گنیز ورلڈ ریکارڈ کس مسلمان ملک کے نام رہا؟
انہوں نے کہاکہ یونیورسٹی کے قیام سے ہزاروں طلبا و طالبات کو تعلیم کی سہولیات میسر آئیں گی، ثابت ہوگیا کہ لیاری کا حقیقی وارث بلاول بھٹو ہی ہے۔
