پاکستان تحریک انصاف (پی ٹی آئی) نے پنجاب میں نیا نگران سیٹ اپ لانے کا مطالبہ کر دیا ہے۔
پی ٹی آئی کے رہنما فواد چوہدری کا کہنا ہے کہ 22 اپریل کے بعد موجودہ نگران سیٹ اپ کے تمام فیصلے غیر آئینی ہوں گے۔
لاہور میں نیوز کانفرنس کرتے ہوئے سابق وفاقی وزیر اور پی ٹی آئی کے رہنما فواد چوہدری نے کہا کہ نگران حکومت اپریل کے تیسرے ہفتے سے آگے نہیں جا سکتی۔ الیکشن کمیشن 22 اپریل سے نئے نگران سیٹ اپ کے لیے مشاورت کرے۔
تحریک انصاف کے رہنما فواد چوہدری نے کہا ہے کہ آج پارلیمنٹ میں سپریم کورٹ کے فیصلے کے خلاف پیش کی جانے والی قرارداد کی کوئی آئینی اور قانونی حیثیت نہیں ہے۔
انہوں نے کہا کہ آج کی قرار داد میں صرف 42 ارکان نے دستخط کیے جبکہ ایوان 342 ارکان پر مشتمل ہے انہوں نے کہا کہ دو تہائی اکثریت سے ہی سپریم کورٹ کا فیصلہ کالعدم قرار دیا جاسکتا ہے۔
اپی ٹی آئی رہنما نے کہا خواہش ہےاپوزیشن، حکومت اور اسٹیبلشمینٹ مل کرنئے الیکشن کی جانب بڑھیں ورنہ اگر تمام آئینی راستے بند ہوگئے تو ملک میں ایک بڑی تحریک چلے گی۔
فواد چوہدری نے کہا 22 اپریل کے بعد پنجاب کی نگران حکومت کی آئینی وقانونی حیثیت ختم ہوجائے گی اور اگرنگران حکومت 22 اپریل کے بعد کسی کاغذ پر دستخط کرے گی تو یہ غٰر آئینی ہو گا۔
