مشرق وسطیٰ میں بڑھتی ہوئی کشیدگی کے پیش نظر امریکا نے اسرائیل کو لبنان میں شہریوں پر جاری حملے بند کرنے کا کہا ہے۔
واشنگٹن میں پریس ایک پریس بریفنگ کے دوران امریکہ محکمہ خارجہ کے ترجمان میتھیو ملر نے نے کہا کہ امریکا چاہتا ہے لبنان میں شہریوں اور انفراسٹریکچر کو نشانہ نہ بنایا جائے، مشرق وسطیٰ کی صورتحال پر امریکا کی گہری نظر ہے اور وہ وہاں پر قیام امن کے لیے کوشاں ہے۔
یہ بھی پڑھیں: اسرائیل پر میزائل حملے، امریکا کی ایران کو سنگین نتائج کی دھمکی
میتھیو ملر کا کہنا تھا کہ جی 7 ممالک جلد ایران پر پابندیاں عائد کریں گے، دنیا بھر کی حکومتوں سے انسانی حقوق کے حوالے سے بات کرتے ہیں، لبنان سے امریکی شہریوں کو نکالنے کے لیے کوشش کررہے ہیں۔ انہوں نے کہا کہ حماس نے غزہ جنگ بندی معاہدے سے انکار کیا ہے۔
گزشتہ روز امریکی صدر جوبائیڈن نے بھی ایک بیان میں کہا تھا کہ ایران پر مزید پابندیاں لگانے جارہے ہیں، امریکا ایران کی جوہری تنصیبات پر حملے کی حمایت نہیں کرتا، بہت جلد اسرائیلی وزیراعظم نیتن یاہو سے بات کروں گا۔
