وزیر اعظم شہباز شریف نے کہا کہ اپنے پیارے بھائی ملائیشیا کے وزیر اعظم انور ابراہیم کا استقبال کرتے ہوئے بہت خوشی محسوس ہوئی ہے، انور ابراہیم کا دورہ پاکستان امن، خوشحالی اور علاقائی ترقی کے لیے ہمارے مشترکہ عزم کی عکاسی کرتا ہے۔
Delighted to welcome my dear brother, Malaysian PM Dato’ Seri Anwar Ibrahim @anwaribrahim to Islamabad! Looking forward to fruitful discussions on strengthening bilateral ties & deepening cooperation between our nations. Your visit underscores our shared commitment to peace,… https://t.co/RGb5YS3paX
— Shehbaz Sharif (@CMShehbaz) October 3, 2024
ملائیشیا کے وزیر اعظم انور ابراہیم کی جانب سے اپنی پاکستان آمد پر استقبال کے حوالے سے ایکس ڈاٹ کام پر شیئر کی گئی پوسٹ کے جواب میں وزیر اعظم شہباز شریف نے بھی ان کا استقبال کرنے پر خوشی کا اظہار کیا ہے۔ ’اسلام آباد میں اپنے بھائی ملائیشیئن وزیراعظم انورابراہیم کا استقبال کرکے خوشی ہوئی۔‘
شہباز شریف نے لکھا کہ دوطرفہ تعلقات کو مضبوط بنانے اور اپنی اقوام کے درمیان تعاون کو گہرا کرنے کے بارے میں نتیجہ خیز بات چیت کا منتظر ہوں۔ ’آپ کا دورہ امن، خوشحالی اور علاقائی ترقی کے لیے ہمارے مشترکہ عزم کو واضح کرتا ہے۔ آئیے مل کر پاکستان اور ملائیشیا کا روشن مستقبل بنائیں۔‘
مزید پڑھیں پاکستان اور ملائیشیا کے درمیان تجارتی حجم 1.8 بلین ڈالر سے تجاوز کر گیاہے، محمد اظہر مزلان
خیال رہے وزیر اعظم شہباز شریف کی دعوت پر ملائیشیا کے وزیر اعظم 3روزہ سرکاری دورے پر پاکستان پہنچ گئے، وزیرِ اعظم محمد شہباز شریف نے ملائیشیا کے وزیرِ اعظم داتو سری انور ابراہیم کا نور خان ایئربیس پہنچنے پر پُرتپاک استقبال کیا۔ اسلام آباد پہنچنے پر پاک فوج کے چاک و چوبند دستے نے ملائیشیا کے وزیرِ اعظم کو سلامی دی۔ ملائیشیا کے وزیرِ اعظم کو 21 توپوں کی سلامی بھی دی گئی۔
ملائیشیا کے وزیر اعظم کو نور خان ایئربیس پر روایتی لباس میں ملبوس بچوں نے پھول پیش کیے، نائب وزیرِ اعظم و وزیرِ خارجہ محمد اسحاق ڈار، وزیرِ کامرس جام کمال خان اور وزیرِ اطلاعات و نشریات عطاء اللہ تارڑ بھی وزیرِ اعظم کے ہمراہ استقبال میں شریک تھے۔
ملائیشیا کے وزیراعظم داتو سری انور ابراہیم دورے کے دوران صدر مملکت آصف زرداری اور وزیراعظم شہبازشریف سے ون ٹو ون ملاقاتیں کریں گے۔ دورے کے دوران پاکستان ملائیشیا دو طرفہ تعاون کے فروغ پر گفتگو اور دونوں ممالک کے مابین شراکت کے حوالے سے اہم پیشرفت ہوگی۔
یہ بھی پڑھیں ملائیشیا نے پاکستان سے چاول، فروزن فوڈ کی خریداری بڑھادی
ملائیشیا کے وزیراعظم کے ہمراہ اعلی سطح کاروباری شخصیات و سرمایہ کاروں کے وفد کی بھی پاکستان آمد ہوئی ہے۔ وفد پاکستانی کاروباری شخصیات و سرمایہ کاروں سے ملاقات کرے گا جس سے دونوں ممالک کے مابین تجارت و سرمایہ کاری کو فروغ ملے گا۔
دونوں ممالک کے مابین تجارت و سرمایہ کاری میں تعاون کے لیے ملائیشیا کے وزیراعظم پاکستان ملائیشیا بزنس فورم میں بھی شرکت کریں گے۔
