مشیر اطلاعات خیبرپختونخوا علی امین گنڈاپور نے کہا ہے کہ خیبرپختونخوا ہاؤس میں اس وقت رینجرز اہلکار موجود ہیں، وزیراعلیٰ علی امین وہاں موجود ہیں یا کہیں اور لے گئے ہیں اس حوالے سے کچھ معلوم نہیں۔
یہ بھی پڑھیں فسطائیت کے باوجود اسلام آباد پہنچے، آئندہ کے لائحہ عمل کا اعلان عمران خان کریں گے، علی امین گنڈاپور
نجی ٹی وی سے گفتگو کرتے انہوں نے کہاکہ علی امین گنڈاپور کے ساتھ صبح 8 بجے رابطہ ہوا تھا اس کے بعد جب وہ کے پی ہاؤس پہنچے تو ہم مطمئن ہوگئے تھے۔
بیرسٹر سیف نے کہاکہ رینجرز اہلکار جونہی کے پی ہاؤس کے اندر آئے تو تمام اسٹاف کو باہر نکال دیا اور علی امین گنڈاپور کو گھیرے میں لے لیا۔
انہوں نے کہاکہ علی امین گنڈاپور کو گرفتار کرنا توہین عدالت ہوگی کیونکہ پشاور ہائیکورٹ نے ان کی راہداری ضمانت منظوری کی ہوئی ہے۔
ایک سوال کے جواب میں بیرسٹر سیف نے کہاکہ اگر علی امین پشاور روانہ ہوچکے ہوتے تو معلوم ہوجاتا، کسی کا بھی علی امین کے ساتھ رابطہ نہیں ہورہا۔
انہوں نے کہاکہ آرٹیکل 248 تمام منتخب نمائندوں کو استثنا دیتا ہے، اگر علی امین گنڈاپور کو گرفتار کیا گیا تو ہم قانونی جنگ لڑیں گے۔
یہ بھی پڑھیں ’علی امین گنڈاپور کو گرفتار یا حراست میں نہیں لیا گیا‘
ایک اور سوال کے جواب میں انہوں نے کہاکہ پی ٹی آئی کے لیڈر عمران خان ہیں، وہ جو حکم کریں گے اسی عملدرآمد ہوگا۔
