ویمنز ٹی20 ورلڈ کپ کے میچ میں بھارت نے پاکستان کو 6 وکٹوں سے شکست دے دی۔
متحدہ عرب امارات کے دبئی اسٹیڈیم میں میں کھیلے گئے میچ میں قومی ٹیم نے مقررہ 20 اورز میں 8 وکٹوں کے نقصان پر 105 رنز بنائے۔
یہ بھی پڑھیں ویمنز ٹی 20 ورلڈ کپ 2024: پاکستانی بولرز کی شاندار پرفارمنس، سری لنکا کو 31 رنز سے شکست
پاکستان کی جانب سے ندا ڈار نے سب سے زیادہ 28 رنز اسکور کیے، اوپنر منیبہ علی 17 اور کپتان فاطمہ ثنا نے 13 رنز بنائے۔
اس کے علاوہ عروب شاہ 14 اور نشرہ سدھو 6 رنز بنا کر ناٹ آؤٹ رہیں۔
جواب میں بھارتی ٹیم نے 106 رنز کا ہدف 19ویں اوو میں حاصل کرلیا۔ بھارت کی جانب سے شیفالی ورما 32 رنز اسکور کرکے نمایاں بیٹر رہیں۔
اس کے علاوہ جمائمہ روڈریگز نے 23 رنز اسکور کیے، جبکہ سمریتی مندھانا 7 اور ریچہ گھوش صفر پر پویلین لوٹ گئیں۔
مزید پڑھیے: ویمنز ٹی20 ورلڈ کپ کے 9ویں ایڈیشن کے 9 اہم حقائق کیا ہیں؟
پاکستان کی جانب سے فاطمہ ثنا نے دو کھلاڑیوں کو آؤٹ کیا، جبکہ سعدیہ اقبال اور عمیمہ سہیل ایک ایک وکٹ حاصل کرنے میں کامیاب رہیں۔
