فلسطینی نژاد امریکی سپر ماڈل بیلا حدید سمیت متعدد پاکستانی اداکاروں نے بھی رمضان المبارک میں فلسطین پر اسرائیلی حملوں کی مذمت کی ہے۔
مقبوضہ یروشلم میں اسرائیلی قابض فورسز نے دو روز قبل قبلہ اول مسجد اقصٰی پر حملہ کرکے نمازیوں کو تشدد کا نشانہ بنایا تھا۔
سماجی رابطے کی ویب سائٹ ٹوئٹر پر یاسمینہ نامی ٹوئٹر صارف نے بیلا حدید کی اسرائیل کے فلسطینیوں پر کیے جانے والےحملوں کے حوالے سے انسٹا گرام اسٹوریز شیئر کرتے ہوئے لکھا کہ ’بیلا حدید ان چند بڑی شخصیات میں سے ایک ہیں جو اسرائیل کے غلط کاموں اور فلسطین کےساتھ جو کچھ کرتے ہیں اس کے بارے میں بات کرتی ہیں حالانکہ وہ اپنے کیریئرکو خطرے میں ڈال رہی ہیں اور اس کے لیے میں ہمیشہ ان کے لیے عزت اور محبت رکھوں گی۔‘
Bella hadid is one of the few big mainstream celebrities who talks about the wrong doings of Israel and what they do to Palestine, even though she’s risking her career and for that I will always have respect and love for her #FreePalestine pic.twitter.com/RdvlfpCGF5
— yasmina 🇲🇦 (@taenocent) April 7, 2023
ان انسٹا گرام اسٹوریز میں بیلا حدید نے لکھا تھا کہ ’۔۔۔ مبارک مہینےکے دوران۔۔۔ دوبارہ!؟‘
’اگر یہ عبادت کی کوئی اور جگہ ہوتی تو پوری دنیا ہاتھ اٹھا کر چیخ رہی ہوتی۔۔۔ جذبہ کہاں ہے؟ کمیونٹی کہاں ہے؟ میں یہ بھی نہیں دیکھ سکتی۔ یہ بہت پریشان کن اورغلط ہے‘ ’یہ ہر سال رمضان میں ہوتاہے‘
اسی طرح اپنی دوسری اسٹوری میں بیلا حدید نے لکھا کہ’یہاں انٹر نیٹ پر ہمیں الگ کرنےکے لیے یہ مذہب یاایک دوسرےسےنفرت کرنے کے لیے نہیں ہے۔‘
’یہ ایک ایسے حکومتی نظام کے بارے میں ہے جو اپنے اور ہمارے لوگوں کو سیاسی بنیادوں پر استعمال کر رہی ہے‘ ’اخلاقی دائرے میں رہتے ہوئے اور انسان ہونے اور انسان کا دل ہونے کی حیثیت سے یہ سمجھیں کہ کیا صحیح اور کیا غلط ہے۔‘
پاکستانی اداکارہ صبا قمر نے بھی اپنے ٹوئٹر اکاؤنٹ پر فلسطینیوں پر رمضان میں حالیہ اسرائیلی حملوں کے حوالے سے قرآنی آیت کا حوالہ دیتے ہوئے ٹوئیٹ کیا کہ ’اور یہ کبھی نہ سمجھو کہ اللہ ظالموں کے کاموں سے بے خبر ہے ۔فلسطین کشمیریوں اور ان تمام مظلوموں کو اپنی دعاؤں میں یاد رکھیں۔‘
“And never think that Allah is unaware of what the wrongdoers do” (14:42)
Keep the people of Palestine, Kashmir & all those who are oppressed in your prayers ♥️
— Saba Qamar (@s_qamarzaman) April 6, 2023
دیگر پاکستانی اداکاروں عثمان مختار،سائرہ یوسف اور ماہرہ خان نے بھی فلسطینیوں پر کیے جانے والے حملوں کی مذمت کی۔
