پاکستان کی معروف اداکارہ ثنا جاوید کے سابق شوہر گلوکار عمیر جسوال نے دوسری شادی کرلی۔
عمیر جسوال کی جانب سے سوشل میڈیا پلیٹ فارم انسٹا گرام پر تصویر شیئر کی گئی ہے جس میں وہ دلہا کے روپ میں دکھائی دے رہے ہیں، اور ساتھ ہی کیپشن میں الحمداللہ لکھ کر انہوں نے اپنے مداحوں کو دوسری شادی کی خبر دی۔
View this post on Instagram
عمیر جسوال نے اپنی پوسٹ میں قرآن پاک کی آیت بھی لکھی جس کا مطلب ہے۔ ’آپ کا رب عنقریب آپ کو اتنا کچھ عطا فرمائے گا کہ آپ راضی ہو جائیں گے‘۔
گلوکار عمیر جسوال نے اپنی ہونے والی دلہن کے حوالے سے ابھی تک کوئی تفصیلات نہیں بتائیں۔
عمیر جسوال کی سوشل میڈیا پوسٹ کے بعد ان کے چاہنے والوں کی طرف سے انہیں مبارکباد دی جارہی ہے۔
یاد رہے کہ گلوکار عمیر جسوال نے اداکارہ ثنا جاوید سے پہلی شادی کی تھی، اور ان کا نکاح اکتوبر 2020 میں ہوا تھا۔
رواں سال جنوری میں عمیر جسوال اور ثنا جاوید کے درمیان علیحدگی کی تصدیق ہوئی تھی، جب ثنا جاوید نے معروف پاکستانی کرکٹر شعیب ملک کے ساتھ دوسری شادی کی۔
