محکمہ موسمیات نے اسلام آباد اور راولپنڈی سمیت ملک کے مختلف شہروں میں گرج چمک کے ساتھ موسلا دھار بارش اور بعض علاقوں میں ژالہ باری کی پیشگوئی بھی کی ہے۔
محکمہ موسمیات کے مطابق، اسلام آباد اور گرد و نواح میں گرج چمک کے ساتھ بارش کا امکان ہے۔ پنجاب کے مختلف علاقوں میں بھی بارش کی پیشگوئی کی گئی ہے۔ راولپنڈی، منڈی بہاؤالدین، حافظ آباد، گجرات اورگوجرانوالہ میں بارش ہونے کی توقع ہے۔ لاہور، شیخوپورہ، شورکوٹ، فیصل آباد، میانوالی، ٹوبہ ٹیک سنگھ، ساہیوال، جھنگ، سرگودھا، لیہ، ملتان، تونسہ، بھکر، ڈیرہ غازی خان اور گرد و نواح میں بھی چند مقامات پر بارش کا امکان ہے۔
یہ بھی پڑھیں: ملک بھر میں بارشوں کا سلسلہ جاری، ژالہ باری کا بھی امکان
خیبر پختونخوا کے مختلف علاقے سوات، کوہستان، شانگلہ، بٹگرام، مانسہرہ، ایبٹ آباد، ہری پور، چترال، دیر، صوابی، مردان، نوشہرہ، پشاور، بونیر، مالاکنڈ، باجوڑ، مہمند، خیبر، کوہاٹ، ہنگو، کرک، بنوں، لکی مروت، کرم اور وزیرستان میں بارش جبکہ ٹانک اور ڈیرہ اسماعیل خان میں تیز ہواؤں اور گرج چمک کے سا تھ بار ش کا ا مکان ہے۔ اس دوران کو ہستان، مالاکنڈ ، سوات ، دیر اور ایبٹ آباد میں چند مقامات پر موسلادھار بارش اور ژالہ باری ہو سکتی ہے۔ گلگت بلتستان میں بھی تیز ہواؤں اور گرج چمک کے ساتھ بارش کی توقع ہے۔
سندھ اور بلوچستان کے بیشتر اضلاع میں موسم گرم اور خشک رہنے کا امکان ہے جبکہ ژوب، بارکھان، موسیٰ خیل، لورالائی، خضدار اور کوئٹہ میں بارش ہونے کی توقع ہے۔ گلگت بلتستان اور آزادکشمیر میں تیز ہواؤں اور گرج چمک کے ساتھ بارش ہونے کا ا مکان ہے۔
