بانی پاکستان تحریک انصاف (پی ٹی آئی) عمران خان کے وکیل اور پی ٹی آئی کی قانونی ٹیم کے سربراہ انتظار حسین پنجوتھہ گزشتہ شام سے لاپتہ ہیں۔ پارٹی اراکین اور دیگر وکلا کی جانب سے ان کے لاپتہ ہونے کی خبریں سامنے آرہی ہیں۔
Alarming.. our brother & legal team lead intazar Hussain Panjutha Advocate is missing since last evening. We have not been able to establish contact with him. I am extremely worried. He filed contempt against meeting restrictions with Imran Khan@intazarpanjutha @PTIofficial
— Faisal Hussain (@faisal_fareed) October 9, 2024
پی ٹی آئی کے وکیل فیصل حسین نے سوشل میڈیا پر انتظار حسین پنجوتھہ کے لاپتہ ہونے کی خبر شیئر کرتے ہوئے لکھا کہ ہمارے بھائی اور قانونی ٹیم کے سربراہ انتظار حسین پنجوتھہ ایڈووکیٹ کل شام سے لاپتہ ہیں، ان سے کسی قسم کا کوئی رابطہ نہیں ہوپارہا ہے۔
مزید پڑھیں: چیئرمین پی ٹی آئی بیرسٹر گوہر سمیت 20 سے زیادہ وکلا کے خلاف مقدمہ کیوں درج کیا گیا؟
فیصل حسین نے لکھا کہ انتظار حسین پنجوتھہ سے کافی رابطہ قائم کرنے کی کوشش کی گئی، لیکن رابطہ قائم نہیں ہوسکا، اس حوالے سے کافی پریشان ہوں اور پارٹی میں تشویش لاحق ہے۔
انہوں نے مزید کہا کہ انتظار حسین پنجھوتھہ کی گمشدگی کی وجہ بتاتے ہوئے کہا کہ ان کا قصور یہ ہے کہ انہوں نے عمران خان سے ملاقات پر پابندی کے خلاف توہین عدالت کی درخواست دائر کی ہے۔
یہ بھی پڑھیں: مجوزہ آئینی ترمیم، کون سی وکلا تنظیم حق میں اور کون مخالف؟
واضح رہے پی ٹی آئی کے وکیل انتظار حسین پنجوتھہ گزشتہ رات سے لاپتہ ہیں، پارٹی اراکین اور وکلا کی جانب سے ان کی گمشدگی پرتشویش کا اظہار کیا گیا ہے۔ تاہم، ابھی تک ان کی موجودگی کی اطلاع موصول نہیں ہوسکی۔
